في رحاب الملحون المغاربي
اهلا وسهلا بكل الزوار يسعدنا تواجدكم معنا في منتدى رحاب الملحون المغاربي

في رحاب الملحون المغاربي


 
الرئيسيةالرئيسية  البوابةالبوابة  اليوميةاليومية  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
سحابة الكلمات الدلالية
المواضيع الأخيرة
»  من يتحمل مسؤولية ما يجري في أدب الملحون؟ ؟ ؟ /// الباحث الأكاديمي الأستاذ شيخ عبد الجلبل بدزي
الإثنين مايو 14, 2018 4:15 pm من طرف في رحاب الملحون المغاربي

»  قصيدة الورشان /// نظم الشيخ محمد بن علي ولد ارزين
الثلاثاء أبريل 24, 2018 1:11 am من طرف في رحاب الملحون المغاربي

»  قصيدة الورشان /// نظم الشيخ محمد بن علي ولد ارزين
الثلاثاء أبريل 24, 2018 1:10 am من طرف في رحاب الملحون المغاربي

»  انطوف بالنبي والكعبة /// الشيخ سيدي لخضر بن خلوف
السبت أبريل 07, 2018 10:01 pm من طرف في رحاب الملحون المغاربي

»  لكل ليلاه وليلاي ســلا سْلْوَانْ القلب والرّوح /// الشيخ توفيق أبرام
الجمعة أبريل 06, 2018 8:48 pm من طرف في رحاب الملحون المغاربي

»  قصيدة الرّْبِيعِيَة نظم الشيخ أحمد التركماني
الجمعة أبريل 06, 2018 8:41 pm من طرف في رحاب الملحون المغاربي

»  ارحم عضام امي كلة /// الشيخ سيدي لخضر بن خلوف
الجمعة أبريل 06, 2018 8:35 pm من طرف في رحاب الملحون المغاربي

»  يا ربي جابر العظامي /// الشيخ سيدي لخضر بن خلوف
الجمعة أبريل 06, 2018 8:23 pm من طرف في رحاب الملحون المغاربي

»  قصيدة  :  ألف ألفت الهوى  قصيدة للشيخ أبو عثمان سعيد بن عبد الله المنداسي رحمه الله  
الجمعة أبريل 06, 2018 3:55 pm من طرف في رحاب الملحون المغاربي

يونيو 2018
الأحدالإثنينالثلاثاءالأربعاءالخميسالجمعةالسبت
     12
3456789
10111213141516
17181920212223
24252627282930
اليوميةاليومية

إرسال موضوع جديد   إرسال مساهمة في موضوع
شاطر | 
 

  يا من صلى عليك ربي ___ الشيخ عمر الزيعر

اذهب الى الأسفل 
كاتب الموضوعرسالة
في رحاب الملحون المغاربي
عضو نشيط
عضو نشيط
avatar

عدد المساهمات : 854
تاريخ التسجيل : 06/02/2016

مُساهمةموضوع: يا من صلى عليك ربي ___ الشيخ عمر الزيعر   الإثنين أكتوبر 16, 2017 8:26 pm

مهداة إلى سيد البرية 
                   يَا من صلى عليك ربي

أمَانة يَا رْحِـيلْ بُكْـرَى ** * كَانْ وْصَلْتُوا قْرَاوْ لــيهْ سلاميْ بَجْهَارْ
          محمد صاحب الشفاعة شارق لنوار
طَه وَرْفَــاﭭتُوا العَـشْرَة ** * ذُوكْ المُبَشْرِينْ أهـــــل الجَـــنَة لَبْـرَارْ
مَبْرَكْهَا يَا مْلاحْ زَورَة ** *  يَجْعَلْ لِيهْ القْبُولْ مَنْ تَاﭪ عْلَى المُخْتَارْ
النَاسْ مْعَــولَة الخطْرَة ** * وَانَــا بَـاقِيْ وْحِــيدْ عَاطَلْ مَالِيْ نَعَّـــارْ
زَلَــــتْ بِيَّـا سْنِينْ مُرَّة ** * والصحوة جَاتنِي عْلَى تَالِيتْ المشْوَارْ
             مَنْ تَاﭪ على اللهِيبْ يَلْهَبْ
يَا نَفْسِي دَبْــرِيْ هْـــرُوبِي  ** * في يــومْ الاَّ يفِـــيدْ مَهْرَبْ
رُدِّيْـــنِي للـــوْطَى وْتُـوبِي  ** * وَغَّصْبِي لا المَوتْ يَغْصَبْ
مَـاذَا دَوَنْتْ في كْــــــتُوبي  ** * وَجْرَيتْ مْعَ البْـلادْ نُخْطُبْ
عَمَّرْتْ مْنَ الخْوَى جْيُوبِي  ** * وجْنَـاني كُلْ عَـــامْ يَجْـدَبْ
غَفْــلانْ ادَّاتْــنِـيْ ذْنُـــوبي  ** * والمَلكْ على الشْمَالْ يَكْتَبْ
                  يَا رَبي حَضَّرْ الشْهَادَة
يَا من صلى عليك ربي قــــبل العبَاد ** * واسْمكْ مَفْتَـــاحْ للشْـــهَادة
يَاكْ انْتَايَا حْبِيبْ مـولْ المُلكْ الجَوَّاد  ** * حَــبَّكْ وَرْضَــاكْ للرْيَــادَة
سَبْحَان اللي هْدَى صلاتَكْ للأمَّة زَادْ  ** * ما تجْـــدي كِــيْفْهَا ايْفَــادة
مَا تِجْدِي دُونْهَا تْجَارَة لا حَرْثْ بْلادْ ** * مَا يَجْدِي مُـلْكْ لا قْيَــــادَة
مَا يَجْدِي جَاهْ دُونْهَا لا عَزْوَة  لوْلادْ ** * اصْلاتَكْ فُــوﭪ كُلْ عَــادَة
                   مُولاهَا في المْضيقْ يُوجَبْ
بصلاتَكْ يَا حْــــبِيبْ رَبِّيْ ** * حَطَــيتْ القَـــافْيَة مْـــرَتَّبْ
بَذْرة كي جَــابْهَا الوهْبِي ** * نَزْرَعْهَا في تْرَابْ طَـــيَّبْ
طَامَعْ فاللي عْلِــيهْ حَـسْبِيْ ** * سُبْحَـانْ الحَيْ وَاشْ كَـتَّبْ
يَا عَـالَمْ مَا خْفَــاكْ  طَلـْبِيْ ** * عَـنْدِي فاللي تحَـبْ مَطْلَبْ
مُحَمَّدْ غَـــــايْتِيْ  وْ حُــبَّي  ** * وَرْجَــايَــا في نْهَارْ يَرْهَبْ
         تحضرلي في نهار منو تَشْخَصْ لَبْصَارْ
اصلاتكْ دَرْتْهَا ذْخـيْرَة ** *  يَا مَنْ فِيكْ الرْجَا تْسَلَّكْ من صَهدْ النَـارْ
امهلني في هْوَاكْ نَظْرَة ** * نَبْرَا وَيْرِيحْ خَاطري مَنْ شَوْفَةْ لَنْظُــارْ
جُرْحِي ولا بْغَاشْ يَبْرَا ** * من دون الا شْفَـاتْ عَينِي طَيَّبْ لَذْكَـارْ
لَوْ كَانْ يْهَبْ غَيْرْ مَرَّة  ** * وَيْجِينِيْ في المْنَــــامْ يَا قَـــادَرْ يَا قَهَّارْ
الـﭭلْبْ وْمَظْغْتُو العُـبْرَة ** * وَالكَـــبْدة حَامْلَة جْلِيدْ وْسَــامَرْ وجْمَـارْ
                      مَنْ غَيرَه مَا بْغَيتْ مَكْسَبْ
شَايش ومْشَوشَة هْدُوبِي ** *  تَسْتَنَّى في هْــلالْ يَرْﭭـــبْ
لَوْ كَانْ يْجِيْ نْهَار صَوْبِي ** * مَ الصَبْحَة للحْبِيبْ نُوجَـبْ
يَا رَاحة رَاحْــتِيْ وْحُــبِّيْ ** * يَا سَـــبَة حُبْ كُلْ مَنْ حبْ
يَا يَنْبُـوعْ الصْفَى العَرْبِي ** * يَا طُبْ الـﭭــلْبْ يَا الطَــيَّبْ
يَا سِـيد الخَــلقْ يَا النَبِيْ ** * سَلَكْــنِي مَا لْــﭭيتْ مَهْـرَبْ
                 مُحَمَّدْ يَا حْــبِيبْ لَـــبْدَة
محمد يَا شْفِــيعْنَا في يُـــومْ المِعَـــادْ ** * لا تَحْــرَمْنَا مْنَ السْعَـــــادَة
يَا نور النـور يَا ضْيَ الفُــؤادْ وْلَثْمَادْ ** * يَـا رَحـمة صَاحبْ الإرَادة
يَا يَنْبُوعْ الصْفَاء العَرْبِي طَيَّبْ لَوْرَادْ ** * يَا هَــدْيْ للخَــلْقْ للعْبَـــادَة
سُبْحَانْ اللي عْطاكْ مُلْكْ إلاّ لِيهْ نْفاد ** * مَا سَادَتْ بِــــيه قَبْلْ سَــادَة
بصلاتَكْ يَا حْـبِيبْ رَبِّيْ رَانِي غَرَّادْ ** * تَجْعَلْهَا في اللسَانْ عَـــــادَة
                 تَحْرَسْنِي مَا نْشًوفْ سُوء
ــــــــــــــــــــ أ ـــــــــــــــــــــ
عَشَّـاقْ وْ شَــــدْني اللؤلؤ في ذكر الهــــاشمي بْضَوءْ
في الزَاخَرْ مَا لْقَيتْ مَرْفَأ قُرْصَـــــاني وَدَّرْ اللجُـــوءْ
ــــــــــــــــــــ ب ـــــــــــــــــــــ
بصلاتَكْ يَا حْـــبِيبْ رَبّْي طَامَعْ في عَـــــــالمَ الغْـيُوبْ
مَا طُقْتْ عْلَى قْبَالْ ذَنْبي تَغْفَـرْ يَا غَـــــــافْرَ الذْنُوبْ
ــــــــــــــــــــ ت ـــــــــــــــــــــ
بصلاتَكْ يَا حْـــبِيبْ نَثْبَتْ تَحْضَرْ لي سَــــاعة الثْبُوتْ
يَا صَيْحة للرْقِيبْ عَرْجَتْ مولاهَا في حْجَى الحُـــوتْ
ــــــــــــــــــــ ث ـــــــــــــــــــــ
سجي لي يا الله حَــــرْثي وَجْـــــعَلْ لِيْ صَالْحْ الوْرِيثْ
طَهَّرْنِي مَنْ وْذَاحْ خُــبْثي وَوْهَبْني خِــــــــيرة الحْديثْ
ــــــــــــــــــــ ج ـــــــــــــــــــــ
بَصْلاتَكْ كُلْ غَرْسْ يَسْجَى يَسْهَل بيــها اللي عْــواجْ
محَمَّدْ يَا خْيَــــــــارْ مَلْجَى مَنْ دُونَكْ غَـــلْتِي سْـمَاجْ
ــــــــــــــــــــ ح ـــــــــــــــــــــ
بصْلاتُو فَـايْضَة قْــــدَاحِي مُحَمَّدْ رَاحَـــــــة الرْوَاحْ
مَن سَرْ الهَـاشْمي الماحي سَنْ الأمَّـــة عْلى السْمَاحْ
ــــــــــــــــــــ خ ـــــــــــــــــــــ
النَــفسْ ادَّاتْــهَا النفْخَـــة والـﭭلْبْ مْعَمْــرُو الزُوخْ
يَا رَاكبْ خَــــــيْلْهَا تْوَخَّى ﭭــدَّامَكْ سَــــاحة الرْدُوخْ
ــــــــــــــــــــ د ـــــــــــــــــــــ
اصلاتك يَا حبيبْ لَــــــبْدَة اصلاتَكْ مَــالْهَا حْــــدُودْ
اصلاتك دَرْتْــهـَا العَمْـــدَة يَا عَينْ الجُـــودْ والوْجُودْ
ــــــــــــــــــــ ذ ـــــــــــــــــــــ
الدنْيَا حُــــــــبْهَا استَحْــوذْ وَالنَفْسْ اتَّبَّـــــعْ اللْـــــذِيْذْ
اصلاتك دَرْتْـــهَا المَنْفَــــذْ نَشْــوَة لا كَـاسْ لا نْبِـــيذْ
ــــــــــــــــــــ ر ـــــــــــــــــــــ
اصلاتك دَرْتْهَا ذْخِــــــيْرَة بِيهَا جْــبَّيتْ كـل صُــورْ
محمد يَا خْـــــــيَارْ سِــيْرَة زَهَّاتْ الدَهْـرْ والعْصُورْ
ــــــــــــــــــــ ز ـــــــــــــــــــــ
لَولادْ عْــــــليكْ مَا تْعَــزُو يَا طَة خــــيرْتْ العْــزَازْ
يَجْعَلْنَا في رْضَاكْ نَـــدْزُوْ يوم التسْــكار والفْــــراز
ــــــــــــــــــــ س ـــــــــــــــــــــ
اصلاتَكْ يَا رْفِيـﭪ هَمْسِي يا طَه طــــيَّبْ النْفَــــاسْ
تحْضَرلِيْ في نهارْ عَبْسِي والخلْقَة كُــل في الدْراسْ
ــــــــــــــــــــ ش ـــــــــــــــــــــ
بصلاة الهاشمي القُرْشِي طـُلِّي يَا سـاعة الغْـــبَاشْ
زَهَي لِيَّا رْفُـــــودْ نَعْشِي يُومن نَضْحَى بْلا فْرَاشْ
ــــــــــــــــــــ ص ـــــــــــــــــــــ
بَصْلاتَكْ هَانْ كُلْ وَاعَـصْ يَا صَبْحة لاحْــتَ البْصِيصْ
محمد لِيكْ حُــــبْ خَـالَصْ من ﭭلبْ عْلى اللقى حْريْصْ

ــــــــــــــــــــ ض ـــــــــــــــــــــ
اصلاتك يَا ايْمَـامْ رَوضة فـيها يتعـــــالج المريض
يَا سعْدْ اللي عْلِيه تَرْضَى وتْزورَه سـاعة الغْمـيضْ
ــــــــــــــــــــ ط ـــــــــــــــــــــ
الحرفْ يْلِيق لوا النُقـــطَة والكلمة عندْهَا شْـــرُوطْ
حَارَبْ يَا مَنْ حْسَبْتْ تَبْطَى مَحتُومْ الطَــيرْ للحْطُوطْ
ــــــــــــــــــــ ع ـــــــــــــــــــــ
اصلاتك يَا شْفِــــيعْ مَنْعَة مــــولاها وَدَّعْ الفْــــزِيعْ
شَاتِي يَا سَـــامْعِينْ يَرْعَى نَحْلِيْ في جَـــنَّة الشْفِــيعْ
ــــــــــــــــــــ غ ـــــــــــــــــــــ
الجوف مْنْ اللْهِيبْ دَمَّـغْ والوَجـــهْ مْظَهـَّـرْ الدْبَاغْ
سَـــــهَّلْ لِي يَا الله نَبْـــلَغْ مَنْ شَــدْ الـﭭـلْبْ والدْمَاغْ
ــــــــــــــــــــ ف ـــــــــــــــــــــ
محمد يا خْــــــيَارْ وَصْفَة فِيهَا مَا صَـــوَّرْ اللطيفْ
تجْعَلْنِي في رْضَاكْ نَـدْفَى في يوم القَــــر والنْسِيفْ
ــــــــــــــــــــ ق ـــــــــــــــــــــ
اصْلاتُوا خـــيرَة الخْـلايَقْ عَمْرَتْ مَنْ سَرْهَا سْوَاقْ
يَا مَنْ فيك الرْجَى الرَازَقْ تَجْـــعَلْ مَا بَيْنَّــا تْفَـــــاقْ
ــــــــــــــــــــ ك ـــــــــــــــــــــ
صَلِّي يَا خَــالْقِي المَــــالَكْ يَا مَنْ بِيـكْ اللقَى وْشِــيكْ
يَا رَبي صَــــرَفْ المهالَكْ في جَــاه الهاشْمِي نْبِــيكْ
ــــــــــــــــــــ ل ـــــــــــــــــــــ
اوْعَى يَا مَن سْمَعْتْ قَـولِي الذكْــرْ يْرَجْـــــح العْقُولْ
بَصْلااُوا زَاهـــية حْقُــولِيْ محمد طِيبْ كُــــلْ قَــولْ
ــــــــــــــــــــ م ـــــــــــــــــــــ
صَلِّي يَا خَـــــالْقِي الدَايَــم عَنْ سْيدي عَـاليْ المْقَــامْ
مَا دَام الروحْ في بْنَـــــادَمْ اصْــلاتَكْ دَايْـــــمَة دْوَامْ
ــــــــــــــــــــ ن ـــــــــــــــــــــ
بَصْلاتَكْ يَا رْبِـيعْ غُصْنِيْ دَرْتْ مْنْ القَــــافْيَة لْوَانْ
مُحَالْ إذا يخـــــيبْ ضَنِّي في رَحْمَة شَملَة الكــوَانْ
ــــــــــــــــــــ هـ ـــــــــــــــــــــ
اصْلاة الهَاشْـــمِي نْــزَاهة نَبْغِي فِي سَــرْهَا انْتِــــيهْ
حُبِّي في سِيْدْهَا سْـــــوَاهَا مَنْ صَلَّى رَبْنَــــا عْلِـــيهْ
ــــــــــــــــــــ و ـــــــــــــــــــــ
أصلاتكْ يَا حْبيبْ نَشْــــوَة يَاسَـــرْ مَنْـــهَا اللي نْشَاو
تجـــــعلْنَا يَا الله غــــــدوة مَنْ بين الســـــاعيين شَاوْ
ــــــــــــــــــــ ي ـــــــــــــــــــــ
أصلاتكْ يَا حْــبيبْ رُقْيــة وَتْسَلَّكْ مَنْ نْهَـــارْ جَــايْ
بَلَّغْ يَا خَــــــــــالقِي المنْيَة وَجمَعْ للمُـــــومْنِينْ رَايْ
                   مُحَمَّدْ غَاية المْرَامْ
بَصْلاة الهَاشْمِي الأمِّي نَنْهي المنظُومْ  ** * يَا مَلْحْ القَولْ وَاليْـــدَامْ
صدقة جـــارية نْخَـــلِّيهَا بَين القَـــومْ ** * يَرْعَـــاهَا دَايَــــمْ الدْوَامْ
تَقْبَلْ لي يَا الله طَــلْبِي جَاهْ المعْصُومْ ** * في جَاه العِــيْدْ والصْيَامْ
أنَــــا والوالدين ترحَــمني يا قَيَّــــومْ ** * وَرْحَمْ مَنْ عَـاوْدَ الكْلامْ
أهْلِي والسَامعِينْ والخَلْقْ اللي مِلْمُومْ ** * نَنْجُو مَنْ سَاعة الزْحَـامْ
تَارِيخُه راصدو الـ(حي) في شَهرْ الحُرومْ ** * و(الهجدش) شَـادَّة العـام
يَا من صلى عليك ربي قــــبل العبَاد ** * واسْمكْ مَفْتَـــاحْ للشْـــهَادة
                               محمد يا حبيب لبـــــــدة

عمر الزيعر / بن علال
الرجوع الى أعلى الصفحة اذهب الى الأسفل
http://almalhon.forumaroc.net
 
يا من صلى عليك ربي ___ الشيخ عمر الزيعر
الرجوع الى أعلى الصفحة 
صفحة 1 من اصل 1

صلاحيات هذا المنتدى:تستطيع الرد على المواضيع في هذا المنتدى
في رحاب الملحون المغاربي :: قصايد الشيخ عمر الزيعر-
إرسال موضوع جديد   إرسال مساهمة في موضوعانتقل الى: