مشاهير الشعر الملحون
اهلا وسهلا بكل الزوار يسعدنا تواجدكم معنا في منتدى مشاهير الشعر الملحون

مشاهير الشعر الملحون


 
الرئيسيةالرئيسية  البوابةالبوابة  اليوميةاليومية  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
سحابة الكلمات الدلالية
المواضيع الأخيرة
»  قصيدة : نادرة للشيخ محمد بن سليمان
الخميس يناير 04, 2018 4:09 pm من طرف بحر القلم

»   يا العاشق هذا وقت الزهو أو لمرام الشيخ دريس بن علي
السبت ديسمبر 30, 2017 11:16 pm من طرف بحر القلم

» قصيدة : مَحْجُوبَة // نظم محمد بن علي ولد اَرْزِينْ
الجمعة ديسمبر 29, 2017 8:40 pm من طرف بحر القلم

» قصيدة : الصرخة نظم الشيخ محمد بن عمر
الجمعة ديسمبر 29, 2017 5:32 pm من طرف بحر القلم

»  ★ما تدوم الحكمة "يا القلب أتفكر"أو "قصيدة القموس" : للشيخ محمد بن علي ولد الرزين
الجمعة ديسمبر 29, 2017 5:24 pm من طرف بحر القلم

»  الشعرالشعبى بين النقد و التصحيح و التوجيه و اعطاء الراى /// بقلم الباحث الشيخ خالد ياسين شهلال
الجمعة ديسمبر 29, 2017 4:33 pm من طرف بحر القلم

»  ولد الحرام _ الشاعر محمد بن سليمان
الجمعة ديسمبر 29, 2017 2:37 am من طرف بحر القلم

» حام على لوكار سافي / قصيدة للشاعر صادق قدور (عين الدفلى) 
الأربعاء ديسمبر 27, 2017 4:38 pm من طرف بحر القلم

»  عبقرية شعراء الملحون فى اللغة العربية // الباحث الأستاذ الشيخ خالد ياسين شهلال
الجمعة ديسمبر 15, 2017 1:33 pm من طرف بحر القلم

يناير 2018
الأحدالإثنينالثلاثاءالأربعاءالخميسالجمعةالسبت
 123456
78910111213
14151617181920
21222324252627
28293031   
اليوميةاليومية

شاطر | 
 

  قصيدة الوردة ___ الشيخ محمد بن سليمان

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بحر القلم

avatar

عدد المساهمات : 796
تاريخ التسجيل : 06/02/2016

مُساهمةموضوع: قصيدة الوردة ___ الشيخ محمد بن سليمان    السبت أكتوبر 14, 2017 3:36 pm

قصيدة الوردة   /    القصيدة الاصلية
للشيخ محمد بن سليمان 

الخماسة  : 
لَا اتْلومُونِي فِي ذَا الحَالْ جِيتْ نَشْهَدْ وَانْوَدِّي * أَ عْدُولِي فَالمُوتْ اسْبَابِي خَالْ فْوَرْدَة

القسم الأول:
آهْ مَنْ رَشْكاتْ نْبَالْ القْوَاسْ وَالحَاجَبْ صَرْدِي * مَنْ يَدّْ رَامِي دَكتْ نَشّابِي جَاتْ مْجَهْدَا
كـُلّْ قُوسْ مْطـَلـَّعْ شَدّْ لوتَارْ مَنْصُوبْ القَصْدِي * عْلَاشْ مَا نَشكِي طالْ اعْذَابِي هَذِي مُدَّا
هَكذَا رَانِي فِي حَالْ الغْرَامْ يَتّْصَرَّفْ وَعْدِي * يَا اطـْبِيبِي فَالضَّرّْ احْسَابِي رَاهْ اتْعَدَّا
لَا ادْوَى مَنْ غِيرْ التّقبِيلْ أو لمْصَالْ الشّهْدِي * رَادْ وَعْمَلْ فَالكاسْ اشْرَابِي جَاتْ المُودَّا

القسم الثاني:
فَاتْحَة فِي غُصْنْ سْمَا فِي رْيَاضْ عَالِي مَنْ سَعْدِي * زَانْهَا رَشّْ الخَالْ غْرَابِي مَنْ غِيرْ انْدَا
صَانْهَا وَحْضَاهَا ضَلّْ الشّفَارْ بَاللحْظ الهَنْدِي * كِيفْ جَبْتْ إِيمَايَرْ تُوصَابِي فِي مَا نَبْدَا
فَاشْ جَانِي جَرْحِي وَنَا المَالْ وَارْقَبْتِي نَهْدِي * لِينْ نَتّهَرَّبْ عَنْ مَكتَابِي مَا يْلِي صَدَّا
غِيرْ جِيتْ انْبَرِّي فَالرُّوحْ قْبَلْ تَخْرَجْ مَنْ جَسْدِي * خَفْتْ نَاسِي تَلقَى طلّابِي تَبْغِي لفْدَا

القسم الثالث:
هَاجْ وَجْدِي وَفْرَغْ جَهْدِي قْلَايْدِي زَادُه سَهْدِي * طالتْ عْلِيَ يَا تَشْغَابِي هَاذْ الفَقْدَا
كالحْمَامْ الفَرْدِي شَلّا تْغَارْدِي وَنَا وَحْدِي * بَالمْحَبَّة جَنْحَانِي رَابِي قُلـُوا عَمْدَا
بَعْدْ صَهْدِي ثَلجِي بَرْدِي اتْنَاهْدِي تَحْيِي نَشْدِي * وَالهْوَى سَدّْ عْلِيَ بَابِي مَا صَبْتْ افْدَا
دُونْ غَرْضِي جِيتُه مَهْدِي صْغِيرْ لَازَلتْ فْجَهْـدِي * دْرَسْنِي مِيرْ دْرِيسْ عْرَابِي هَازَمْ لعْدَا

القسم الرابع:
لِمْتَى يَسْعَدْنِي رِيحْ لوصَالْ نَنْشَرْ لـُه بَنْدِي * لِمْتَى يَهْزَمْ مِيرْ اتْرَابِي جَنْدْ النَّكدَا
يَا تْرَى يَتْجَرَّدْ بَرْقْ السّْرُورْ وِيزَكلمْ رَعْدِي * عْلى الزّْهُو يَنْزَلْ مَطرْ سْحَابِي فُوقْ البِيدَا
بِينْ دِيدِي وَالهَنْدِي فِي بْطايْحِي نَجْنِي وَرْدِي * إِيعُودْ نَحْلِي يَرْعَى فَخْصَابِي بَعْدْ الرَّكدَا
الهْوَى يَا مَنْ لَا هَزُّه غْرَامْ يَتْمِيدْ الـْرَمْدِي * سِيرْتِي مَغْلـُوبْ الغَلّابِي صَبْرِي عَدَّا

القسم الخامس:
عَنْدْ ضَرْبِي نَتْخَيَّرْ فَالجْحُودْ وَانْخَرَّجْ وَنْدِي * وَالتّْمَامْ انْعَدَّلْ تَزْرَابِي صُورْ الـَّعْدَا
أَ الـْحَافَظ إِلى سَالـُوكْ قـُلْ هَذِي مَنْ عَنْدِي * مَنْ دْعَى لَا يَبْطا فَجْوَابِي وَلَابُدَّا
دَاوْدِي زَرْدِي عَنْ زَنْدِي فَالعْدَا ثَارِي نَفْدِي * بَنْسْلِيمَانْ اسْمِي فَخْطابِي عَسْلْ الشَّهْدَا
وَالنّْسَبْ فَاسِي مَنْ عَرْبْ الحْكازْ مَتْيَصَّلْ جَدِّي * يَا ارْحِيمْ الرَّحْمَة عَنْ آبِي حُسْنْ الوَلدَا
مَنْسْجِي عَشَّاقِي وَأهْلْ الهْوَى يْشَهْدُوا مَنْ بَعْدِي * وَالسّْلَامْ عْلِيهُمْ فَكتَابِي مَنْ طِيبْ اشْذَا
يَا المُولى كـُنْ امْعَايَا أونِيسْ فِي غُمَّتْ لحْدِي * يُومْ نَاخُذْ شَبْرِي فَتْرَابِي كـُنْ لِي سَنْدَا . 

تمت ...
الرجوع الى أعلى الصفحة اذهب الى الأسفل
http://almalhon.forumaroc.net
 
قصيدة الوردة ___ الشيخ محمد بن سليمان
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مشاهير الشعر الملحون :: الشيخ محمد بن سليمان الفاسي-
انتقل الى: