جَــدَّدْ جُرْحي
جيتْ انْسِي حُـــــبْهَا جَارْ عْـــلِيا
وهدف ضَيمْ وْ لا عرفنا لــيه حْرابْ
ضّـنِّي بَـرْدَتْ نَارهَا ذَا الشَعْوَاية
سَاعة ضّاقْ الحَـــالْ عَنِّي زَادْ صْعَابْ
وَالجُرْحْ اللي كَانْ خَامَدْ رَاهْ حْيَا
هَــلَّكْ ثَــــورَة في حْجَــــايَا يَا لَحْبَابْ
حَتَّىْ قـَلْبي قــَالْ لي خَـــفْ عْلِيَّـا
عِيشْ الوَاقَـــــعْ لا تْغَطِّيني بَـ حْجَابْ
ماني سَـلْعَة تْبــــِيعْني للشَــرَّايَة
وَانْتَا عَارفْ غَيْرْهَا مَا فَــــــاتْ البَابْ
هِيَّ شَـاوْ الحَـالْ و المَبْـدَى هِيَّ
هِيَّ كُــــــــــلْ اللي مْضَى هِيَّ لَعْــقَابْ
هِيَّ سَعْيِي وْ غَايْتي في ذَا الدُنْيَا
هِيَّ رَاسْ المَـالْ عَنْدي خَــــيرْ كْسَابْ
يَا لايَمْ لَوْ كَانْ تَـــدْري مَا بِــــيَّا
تَلْقَى هَــمِّي مَا عْرَفْ لَـــوْنُوا مُصَابْ
جَــدَّدْ جُرْحي وْ لَزَّتْ المَحْنة لَيَّـا
وْ هَـــلَّكْ يَنْـزَفْ بعْدْ مَا ضَنَّـيْتُوا طَابْ
يَا مَنْ تُـعْذَرْ حَــالْتِي دِيــرْ مْزِيَّـة
يَا طَــالَبْ بَـ جْــدَاوْلَكْ كَانَشْ تَسْبَابْ
15/09/1985