مشاهير الشعر الملحون
اهلا وسهلا بكل الزوار يسعدنا تواجدكم معنا في منتدى مشاهير الشعر الملحون

مشاهير الشعر الملحون


 
الرئيسيةالرئيسية  البوابةالبوابة  اليوميةاليومية  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
سحابة الكلمات الدلالية
المواضيع الأخيرة
»  قصيدة : نادرة للشيخ محمد بن سليمان
الخميس يناير 04, 2018 4:09 pm من طرف بحر القلم

»   يا العاشق هذا وقت الزهو أو لمرام الشيخ دريس بن علي
السبت ديسمبر 30, 2017 11:16 pm من طرف بحر القلم

» قصيدة : مَحْجُوبَة // نظم محمد بن علي ولد اَرْزِينْ
الجمعة ديسمبر 29, 2017 8:40 pm من طرف بحر القلم

» قصيدة : الصرخة نظم الشيخ محمد بن عمر
الجمعة ديسمبر 29, 2017 5:32 pm من طرف بحر القلم

»  ★ما تدوم الحكمة "يا القلب أتفكر"أو "قصيدة القموس" : للشيخ محمد بن علي ولد الرزين
الجمعة ديسمبر 29, 2017 5:24 pm من طرف بحر القلم

»  الشعرالشعبى بين النقد و التصحيح و التوجيه و اعطاء الراى /// بقلم الباحث الشيخ خالد ياسين شهلال
الجمعة ديسمبر 29, 2017 4:33 pm من طرف بحر القلم

»  ولد الحرام _ الشاعر محمد بن سليمان
الجمعة ديسمبر 29, 2017 2:37 am من طرف بحر القلم

» حام على لوكار سافي / قصيدة للشاعر صادق قدور (عين الدفلى) 
الأربعاء ديسمبر 27, 2017 4:38 pm من طرف بحر القلم

»  عبقرية شعراء الملحون فى اللغة العربية // الباحث الأستاذ الشيخ خالد ياسين شهلال
الجمعة ديسمبر 15, 2017 1:33 pm من طرف بحر القلم

يناير 2018
الأحدالإثنينالثلاثاءالأربعاءالخميسالجمعةالسبت
 123456
78910111213
14151617181920
21222324252627
28293031   
اليوميةاليومية

إرسال موضوع جديد   إرسال مساهمة في موضوع
شاطر | 
 

 قصيدة القرية عمر الزيعر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بحر القلم

avatar

عدد المساهمات : 796
تاريخ التسجيل : 06/02/2016

مُساهمةموضوع: قصيدة القرية عمر الزيعر   الأحد فبراير 28, 2016 4:06 pm

القـــــــرية

يَا قَــرْيَة مَقْـوَاه ذَا الشَعْبْ تْبَهْدَلْ
المِيرْ اللي يْجِـــــيكْ يَلْهَى بَالمَّاليه
دَبْلَكْ رَبِّي دَارْلَكْ فَالسَــعدْ وْعَــلْ
مَا نَلْتي مَـــنُّوا إلاَّ طَيرَة جَــنحـيهْ
الشَبيبَة عَـــاطْلَة مَاصَابتْ حَــــلْ
وَالإدَارَة عــَـــارْفَة فَنْ التَـمْوِيهْ
بَالذَمَّة فَالبَـابْ دَارَتْ مُوعَرْقَلْ
وَعْلَى بَاجَهْ كَاتْبَة فَرْعْ التَوجِــــيهْ
حـَارْ الشَعْبْ وْلا لْقَى لَيْهَا مَدْخـَلْ
ضَلْ يْشُوفْ خْــبَارْهَا غَيرْ بْعَينِيهْ
مَحْسُوبِيَّة سَارْيَة في عُمْقْ الضَّلْ
فَالسِــــرِيَّة التَـــــامَّة كُلَّشْ تَقْضِيْهْ
هَذا حــَـبَّة عَوْضُوهَالَهْ بَجــْــــبَلْ
لآخُرْ حَــقَّهْ ضَاع ْلَهْ مَابَينْ يْدِيهْ
بَدَّلْ هَذَا بْذَاكْ هَذَا يَسْتَــــــــــاهَلْ
هَذَا نَاسَهْ جَــــاوْنِي وَصَّــاوْ عْليهْ
اللي يَنْسَبْ بَالـمْــرَا مَاهُو رَاجَلْ
وَ اللي وَصَّـــلْهَا لْهُمْ كِيفْ تْسَمِّيهْ
واشْ تْعَــوَّدْ وَاشْ تَحْكِي يَارَاجَلْ
هَذَا وَقْتْ الذُلْ خَـــــلِّيني نَهْجـــِيهْ
يَا قَــرْيَة مَقْـوَاه ذَا الشَعْبْ تْبَهْدَلْ
المِيرْ اللي يْجِـيكْ يَطْوَالُوا كَرْعَيهْ
مَنْدوبِيَّة بْمِــــــيرْهَا طَاعَتْ للذَّلْ
وَالمَسْؤولْ اللي يْجِي يَهَّمْسُوا لِـيهْ
خَـبْرْ القَرْيَة يَوْصْلَهْ قَبْلَنْ يَوْصَلْ
وَاللي كَانَتْ طَايْرَة تـَنْزَلْ وَتـْجِـيهْ
إذَا قَــــــالْ الثَّوبْ كَايَنْ وَمْفَصَّلْ
وإذَا قَـــــالْ الزَّهْوْ كَايَنْ مَنْ يـَدِّيهْ
وإذَا قَـالْ المَـــالْ كَايَنْ مَنْ يـَبْذَلْ
يَشْرُوا لِيهْ مْنَ اللْوَاطَة مَا يَشْـتِيهْ
وإذَا طَلْ ضْعِيفْ مُحْتَاجْ يـْسَـوَّلْ
بَابْ الرَحْمَة يْبَلْعُــــوهَا في عَيْنِيهْ
هَذا الناسْ قْلوبْها عَمْرَتْ بَالغُـــلْ
وَالمَغْلوبْ إذَا اشْكَى مَا شَفْعو فِيهْ
دُرْكْ النَاسْ تـْصِيبْهَا غَـيرْ تـْدَلَّلْ
هَذا جَـــايَبْ قُــــفْتُوا هَذَا فِـــــيلِيهْ
هَذَا رَاهْ ادَّايْ الكَسْوَة يَغْــــسَلْ
يَتْــلَبَّدْ خَايَفْ اللْسُونْ تـْمَنْشَرْ فِــيهْ
وَاشْ تـْدَرَّقْ في فْـعَالَكْ يَاراذَلْ
هَذي قَرْيَة وْقَــــارُّو تَتْبَخَّرْ بِيهْ
جِيتْ نـْفَصَّلْ مَا لْقَــــيتَلْهَا مَفْصَلْ
كُلَّشْ رَاهْ عْلَى التْهَيكِيلْ مْقَـــــرِّيهْ
دَارْ الصحَّة اللي قْصَدْهَا يَتْـبَهْدَلْ
وَللي رَاحْ يكُحْ جَابْ العَـدْوَى فِيهْ
الثقَافة رَاقْــــدَة وَ الفَكْرْ زْطَـــــلْ
وَ الشَبيبَة فَالقْنُوتْ تـْطَــلَّعْ( ) فِيهْ
بَابْ الدَرْكْ عْلَى القْرودَة( )رَاهْ تْحَلْ
وَاللي قَـرْدْ شْكونْ ذَاليُــومْ يْعَادِيهْ
لا تَسْألْ عَ البُوشْطَة( ) غَيرْ تـْمَهَّـلْ
خَلِّي خَبْرْ خْيُوطْهَا عَنْدْ امَّالـ( )ـيهْ
رَاهْ العَــــالي يَا بْلادي فِيكْ انْرَلْ
وَالرَادِي بَالتــَـــاجْ رَاكِي تَوَّجْتِيهْ
وَ اللي كَانْ قْـبِيلْ لابَسْ بُومَنْتَلْ( )
رَاهْ تـْوَلَّى حْكَـــامْهَا وَالنَاسْ تْجِيهْ
حَاشَة مَانِي قَاصَدْ شْرَافْ المَنْزَلْ
حَــالْ القَرْيَة غَاظْنِي قَلْتْ نْوَاسِيهْ
أدْعوا يَا لَشْرَافْ زَينينْ المَوصَلْ
هَذَا الضَــالَمْ لاغْـــنَة رَبِّي يَهْدِيهْ
بِخْتِصَارْ نْحَــــدْثُو مَنْ هُو عَاقَلْ
أمَّا الجَــــاهَلْ غَيرْ تَشْقَى وَ تْشَقِّيهْ
يَا قَــرْيَة مَقْـوَاه ذَا الشَعْبْ تْبَهْدَلْ
المِيرْ اللي يْجِـــــيكْ يَلْهَى بَالمَّاليه
يَا قَــرْيَة مَقْـوَاه ذَا الشَعْبْ تْبَهْدَلْ
المِيرْ اللي يْجِـيكْ يَطْوَالُوا كَرْعَيهْ
يَا قَــرْيَة مَقْـوَاه ذَا الشَعْبْ تْبَهْدَلْ
المِيرْ اللي يْجِـيكْ يَــتْقَوَّى رَاعِـيهْ
1992




الرجوع الى أعلى الصفحة اذهب الى الأسفل
http://almalhon.forumaroc.net
 
قصيدة القرية عمر الزيعر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:تستطيع الرد على المواضيع في هذا المنتدى
مشاهير الشعر الملحون :: قصايد الشيخ عمر الزيعر-
إرسال موضوع جديد   إرسال مساهمة في موضوعانتقل الى: