في رحاب الملحون المغاربي
اهلا وسهلا بكل الزوار يسعدنا تواجدكم معنا في منتدى رحاب الملحون المغاربي

في رحاب الملحون المغاربي


 
الرئيسيةالرئيسية  البوابةالبوابة  اليوميةاليومية  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
سحابة الكلمات الدلالية
المواضيع الأخيرة
»  من يتحمل مسؤولية ما يجري في أدب الملحون؟ ؟ ؟ /// الباحث الأكاديمي الأستاذ شيخ عبد الجلبل بدزي
الإثنين مايو 14, 2018 4:15 pm من طرف في رحاب الملحون المغاربي

»  قصيدة الورشان /// نظم الشيخ محمد بن علي ولد ارزين
الثلاثاء أبريل 24, 2018 1:11 am من طرف في رحاب الملحون المغاربي

»  قصيدة الورشان /// نظم الشيخ محمد بن علي ولد ارزين
الثلاثاء أبريل 24, 2018 1:10 am من طرف في رحاب الملحون المغاربي

»  انطوف بالنبي والكعبة /// الشيخ سيدي لخضر بن خلوف
السبت أبريل 07, 2018 10:01 pm من طرف في رحاب الملحون المغاربي

»  لكل ليلاه وليلاي ســلا سْلْوَانْ القلب والرّوح /// الشيخ توفيق أبرام
الجمعة أبريل 06, 2018 8:48 pm من طرف في رحاب الملحون المغاربي

»  قصيدة الرّْبِيعِيَة نظم الشيخ أحمد التركماني
الجمعة أبريل 06, 2018 8:41 pm من طرف في رحاب الملحون المغاربي

»  ارحم عضام امي كلة /// الشيخ سيدي لخضر بن خلوف
الجمعة أبريل 06, 2018 8:35 pm من طرف في رحاب الملحون المغاربي

»  يا ربي جابر العظامي /// الشيخ سيدي لخضر بن خلوف
الجمعة أبريل 06, 2018 8:23 pm من طرف في رحاب الملحون المغاربي

»  قصيدة  :  ألف ألفت الهوى  قصيدة للشيخ أبو عثمان سعيد بن عبد الله المنداسي رحمه الله  
الجمعة أبريل 06, 2018 3:55 pm من طرف في رحاب الملحون المغاربي

يوليو 2018
الأحدالإثنينالثلاثاءالأربعاءالخميسالجمعةالسبت
1234567
891011121314
15161718192021
22232425262728
293031    
اليوميةاليومية

إرسال موضوع جديد   إرسال مساهمة في موضوع
شاطر | 
 

 مَعْذُورْ يَا اهْلِي ـــــــــ البشير التهامي

اذهب الى الأسفل 
كاتب الموضوعرسالة
في رحاب الملحون المغاربي
عضو نشيط
عضو نشيط
avatar

عدد المساهمات : 854
تاريخ التسجيل : 06/02/2016

مُساهمةموضوع: مَعْذُورْ يَا اهْلِي ـــــــــ البشير التهامي   الثلاثاء سبتمبر 06, 2016 9:40 am

مَعْذُورْ يَا اهْلِي

مَنْ بَعْدْ مَا هْنَى قَلْبِي وَ تْفَــاجَى الْغْيًـــامْ * وَ تْهَـدّنْ الْبْحَــرْ زَالَتْ الْكُشْـــــرَة
قَدْرِي مْعَ الْقْضَا كَتْبُوا لِي بَلْوَة حْتَـــــــامْ * بْحَرْبَة نْعْطَبْتْ وَ ظِهَرْ سَقْمِي بَــرَّا
ألْــوَعْــدْ صَاقْ قَلْبِي عُــرْضَة بِينْ الرّْيَــامْ * لَلُّوشْ وَ الزّْهَرْ فِي رَوْضَة خَضْـرَا
وَ سْطْ الـرّْيَاضْ وَرْدَة فَاتَـحْ تَّبْـرِي السّْقَــامْ * فَحْفَاحْةْ الْعْطَرْ تَخْطَفْ النَّضْــــــرَة
عَضْرَا مْبَهّْجَة تَتْسَارَى مَثْلْ الْحْمَــــــــــامْ * تَسْبِي قْلِيبْ مَنْ هُـو تَايَــبْ يَقْـــرَا
عَيْنِي شْفَاتْ مَنْ رَشْقَتْ فِي قَلْبِي حْسَـــامْ * يَا رِيتْنِي عْمِيــتْ الْعَيْــنْ بْجَمْـــــرَة
مَعْذُورْ يَا اهْلِي كَفُّوا عَنِّي مَ الْمْــــــــلَامْ * مَلْسُــوعْ بَالْهْــوَى خَايَفْ مَا نَبْـــرَى

ظَبْيَاتْ سَايْحَة فَـرْقْ افْـوَاجْ * قَصْدُوا الْفَرْحْ زَهْوْ وْ فُرْجَة
مَتْــزَيْخِينْ وَ الْخَاطَـرْ هَــاجْ * َو دْمُوعْ تَنْهْمَرْ بَالْبَهْجَة
عَيْنِي شْفَاتْ دَعْجَةْ لَغْنَــــاجْ * خَزْرَاتْ فِي نْجَالْ الْعَلْجَة
مَسْبِي بْزِينْ مُولَاتْ التَّـــــاجْ * ذَاتِي مْلِيّْعَة مَخْتَلْجَــــــــة
بْحَرْهَا سْخُونْ دَافَقْ بَمْـــوَاجْ * يَا دَاخْلُه احْذَرْ لَا مَلْجَــــــا
مَنُّه رْهَبْـتْ مَا صَبْـتْ مْــزَاجْ * خُفْتْ الدّْخُولْ مَا لُه خَرْجَـة
لْسَانِي ضْحَى مْهَلْوَسْ لَجْـلَاجْ * مَفْضُوحْ مَا تْقَنْتْ اللَّهْجَــة
سَلَّمْـتْ مَخْتْلَــجْ لَمَّا نَــزْعَــتْ اللّْثَــــــــــــامْ * بَدْرْ التّْمَامْ زَاهِي لِيلَةْ عَشْـــــــرَة
عَقْلِي مْخَمْرَاتُـــــه مَرْخُوفَـــــةْ الْحْـــــــــزَامْ * مِيرْ الْهْوَى اهْزَمْنِي مَا لِي نُعْرَة
نَشْوَى غْشَاتْ مُخِّي وَ سْكَرْتْ بَلَا مْــــــــدَامْ * مَمْلُوكْ لِيسْ نَصْحَى مَنْ ذَالسَّكْرَة

ذَالزِّينْ مَا رْمَقْتُه بَالْعَيْـــنْ * شَرْقِي وْ غَرْبْ جُوفْ وْ قَبْلَة
سُبْحَانْ مَنْ طْبَعْ الْحَيِيــــــنْ * كُلُّه حْسَانْ فِي ذَالطُّفْلَــة
مَكْمُولْةْ الضّْرَافَة وَ الزِّيــــنْ * هَمَّة وْ شَانْ كَسْبَتْ جَمْلَــــة
سَلْسَة بْصُوتْ دَافِي وَ حْنِيـنْ * تَشْبَاحْهَا دْبَاجْ وْ حُلَّــــــــــة
إذَا قْصَدْتْهَا طُحْتْ مْكِيـــــنْ * وِ اذَا مْشِيتْ مَـتْ بْعَلَّــــــــة
عَقْلِي حْتَارْ بِينْ الْأمْرِيـــــنْ * مَشْلُولْ مَا يْسَلَّـكْ حَصْلَـــة
مَنْ بَعْدْ مَا خْمَدْ نَارْ الْبِيـــنْ * عَيْنِي سْبَابْ قَلْبِي تَبْلَــــى
مَكْوَاكْ صَاهْــرَة يَا عَيْنِي جَفْيْ الْمْنَــــــــامْ * بَدْمُـوعْ هَاطْلَـة مَعْضَمْهَا غَمْـــرَة
مَجْرُوحْ مَنْ خْدُودِي بَالدَّمْعَة كَالْوْشَـــــــامْ * بَكَّاتْ حَالْتِي مَنْ قَلْبُه صَخْــــــــرَة
غَرْقَانْ فِي هْوَى مَنْ فَاقَتْ عْلَى الْوْسَـــــامْ * حَارْ الْفْصِيحْ عَاجَزْ وَصْفْ الْعَضْرَا

مُحَالْ وَصْفْ تَاجْ الْغُـــزْلَانْ * مَا شَــافْ زِينْ مَنْ لَا شَافُــه
شَعْرُه غْرَابْ وَابَدْ لَحْـــــزَانْ * دَعْــبْ الــرّْيَاحْ بِينْ كْتَافُـــه
غُرَّة هْلَالْ (وا حِ) رَمْضَـانْ * مَنْ قَـوْسْ حَاجْبــُه تَقْسَافُـــه
لَثْمَادْ كَالْجْعَـبْ في الْمَيْـــــدَانْ * فَتَّـاكْ في الْـوْغَى بَطْــرَافُــه
الفم كالخويتم حنــــــــــــــان * ثَلْــجْ السّْنَــانْ حَمْــرْ شْفَافُـــه
فَتْحْ الْخْــدُودْ كِي بَنَّعْمَـــــــانْ * وَصْفْ الرّْيَاضْ مَنْ تُوصَافُـه
ألْجِيدْ مَرْمْرِي وَسْطْ جْمَـــانْ * نَهْـــدُه تْفِيفْحَـــة تَصْنَافُــــــه
لَصْبَاعْ كَالْقْلُومَة وَ زْنَادُه كَالسّْهَـــــــــامْ * وَ الْكَــفْ سَابْغَـاتُـه حَنَّـة حَمْــــــــرَة
الْقَدْ سَرْوْلَة وَ لَا طُولَـةْ الْعْــــــــــــــــلَامْ * مَرْوِي الْجَدْعْ وَسْطْ الْجَنَّة خَضْـــرَة
نَفْسِي انْسَالْهَـا مَا طَـاوَعْ فُمِّـي كْـــــــــلَامْ * لْسَانْي نْشَلْ و تْلَهْوَثْ في الْهَــــــدْرَة
مَعْذُورْ يَا اهْلِي كَفُّوا عَنِّي مَ الْمْــــــــلَامْ * مَلْسُــوعْ بَالْهْــوَى خَايَفْ مَا نَبْـــرَى

تْخَلَّصْتْ مَنْ عْقُدْ لْسَــانِي * وْ كَلَّمْتْ عَارْمِي بَالْهَمَّــــــة
رُوفِي عْلَى الْعْشِيقْ يْعَانِي * سَقْمِي دْوَاهْ مَنَّكْ كَلْمَــــــــة
مَنْ بَعْدْ مَا لْقَــحْ جْنَـــانِي * وَ طْيَارْ غَرْدَتْ بَالنَّغْمَـــــــة
وَ غْشَى النُّومْ رَمْشْ عْيَانِي* وَ شْفَافِي بْدَاوْا الْبَسْمَـــــــة
مِيرْ الْهْوَا اقْهَرْ عَيْنَـــانِي * تَرَّاسْ قُومْ دُونْ الرَّحْمَــــــة
خَبْيَاتْ دَقْهَا فَ كْنَانِـــــي * بْجِيشُه احْتَلْ وَ بْنَى خَيْمَــة
مَهْزُومْ مَنْتْكَسْ سُلْطَانِي * وَ عْسَاكْرِي عْجَبْ مَهْزُومَـة
خَـاذْ الْعْقَــلْ مَنِّي وَ رْفَضْ حَــلْ السّْـــلَامْ * مَنْ لَا طْلَبْ جَــزْيَة وَحْكَــمْ لَسْــرَا
مَكْوَاكْ في الْهْمُومْ يَا قَلْبِي وَ قْوَى السّْقَــامْ * ألنَّـاسْ هَـانْيَـة وَ انْتَ فِي حَسْـــرَة
حَـوْلِي وْ قَوْتِي بَالمُقْتَــــــدِرْ بَالـــــــــدّْوَامْ * يَا نَاصْـرْ الضّْعِيفْ عْزِيزْ الْقُـدْرَة

مَعْنَاتْ لِي انْظُنَّكْ هْبِيــــلْ * لُو كَانْ تَسْتْمَرْ فِي ذَالْحَالْ
قَلْبِي لْجِيهْتَكْ لِيسْ يْمِــــــيلْ * مَفْرُوغْ ذَالأمَرْ مَ الْمُوحَالْ
نُوصِيكْ سِيرْ وَ عْجَلْ بَرْحِيلْ * نَاسِي أْصَالْ نَسْوَة وَ رْجَالْ
جَاوَبْتْ عَارْمِي بَالتَّاوِيــــلْ * كُرْمْ الضّْيَافْ شِيمَةْ لَبْطَالْ
أمَّا انْتِ بْقَلْبَكْ كْحِيــــــــــلْ * مَا هَزْ سَاكْنَكْ رِيحْ وْ صَالْ
مَا صُبْتْ وَدّْ فِي غَسْقْ اللِّيلْ * مَسْدُودْ بَابْ قَلْبَكْ بَقْفَــــــالْ
رَدْ الْجْوَابْ ضَيْ الْقَنْدِيــــــلْ * مَنْ بَعْدْ مَا جْرَحْتُه بَاقْوَالْ
مَنْسُوبْ مِينْ نَاسَكْ وَ اهْلَكْ مْعَ الْمْقَــــــامْ * وِاذَا غْـرِيــبْ مَـا سَبَّــةْ الــــزُّورَة
أنَا غْـرِيبْ رَدِّيتْ عْلِيهَا بَالتّْمَــــــــــــــــامْ * وَ هْنَــا رْمَـاوْنِي مَكْتُوبْ وْ قُــدْرَة
حَالِي وْ حَالْ دَاخَلْ صُدْفَة بَحْـرْ الْغْــــرَامْ * أوْ تَـاهْ في الْفْيَـافِي وَ سْـطْ الْقَفْــرَة

قَلْبِي دْفَى بْشَهْلَةْ لَتْمَـــــــــادْ * زَهْوْ الْمْهَاجْ كِي يُومْ الْعِيـــدْ
غْيَامِي نْجْلِى مْفَاجِي لَعْنَــــادْ * زَالْ الشّْتَـــا مْعَــاهْ التَّنْكِيــــدْ
شَمْسِي عْلَاتْ ضَوَّاتْ بْلَادْ * رُوضِي حْيَا لْبَسْ ثُوبْ جْدِيدْ
هَزَارْ صَاحْ زَادْ الْحَــــــــدَّادْ * مَقْنِينْ جَاوْبُه بَالتَّغْرِيـــــــــدْ
مَحْبُوبْتِي عْلَى شَطْ الْــــــوَادْ * مَتْبَخْتْرَة مْسَلِي وَ سْعِيــــــدْ
مَنْ فَرْحْتِي نْرَدَّدْ لَنْشَـــــــادْ * وَ نْغَازْلْ الْبْهَا زِينْ فْرِيــــــدْ
مَا شَافْنِي رْذِيلْ وْ مَحْسَــــادْ * وَ لَا رْقِيبْ مَغْرُورْ جْحِيــدْ
ألْفَجْـرْ حِينْ أَذَّنْ يَقَّضْنِي مَ الْمْنَـــــــــــامْ * صَلِّيتْ حِينْهَا بَالسَّرْ وَ الْجَهْــرَة
سَبَّحْتْ لَلْكْـرِيمْ اسْأًلْتُه مُحْيِي الْعْظَــــــامْ * يَمْحِي زْلَايْلِي وَ ذْنُوبِي كُثْــــرَة
بِجَاهْ صَاحْبْ الْكَوْثَرْ وَ شْفِيـعْ الْأنَــــــــامْ * وَ بْجَاهْ عَايْشَة وَ فْطِيمَة الزَّهْرَة
بِجَاهْ بُـوالْحُسْنِيـنْ عْلِـي نِعْـــمْ الْهْمَـــــــامْ * عُثْمَــانْ بُـوبْكَــرْ كَــذَا عُمَـــــرَ
يَا رَافْــعْ السّْمَــا يَا مُهَيْمَنْ يَا سْـــــــــلَامْ * سَاْلِي نْجَاتْ مَ عْذَابْ الْأخِيـــرَة
بَشِيــرْ وَلْــدْ تهَامِي شَايَــقْ لَلْمْقَـــــــــــامْ * يَرْجَى جْوَابْ رَبِي مَنَّكْ بَشْـرَة
ألنَّفْسْ لَاهْطَــة رَبِي زَيَّنْ لِي الْخْتَـــــــامْ * نَقْوَى عْلَى هْوَا دَنْيَا غَــــدَّارَة
بِينْ السّْمَا وْ بَحْرْ الْمَايَجْ صُغْتْ النّْظَــامْ * فِي عَامْ (فَا ) تْمَمْتُه فَالْبَاخِــــرَة
وَ سْلَامْ رَبْنَا بَالنَّسْـرِي فَتْحْ الْكْمَــــــــــامْ * بَالْفُلْ وَ الْقْرُنْفُلْ وَرْدْ وْ زَهْرَة
لَأهْلْ الَشْــرَافْ وَالدُّهَاتْ اسْيَادِي الْكْـرَامْ * وَ الْوَالْعِينْ وَ كْبَارْ الشُّعَــــارَا



الرجوع الى أعلى الصفحة اذهب الى الأسفل
http://almalhon.forumaroc.net
 
مَعْذُورْ يَا اهْلِي ـــــــــ البشير التهامي
الرجوع الى أعلى الصفحة 
صفحة 1 من اصل 1

صلاحيات هذا المنتدى:تستطيع الرد على المواضيع في هذا المنتدى
في رحاب الملحون المغاربي :: قصايد الشيخ عمر الزيعر :: قصائد الشاعر البشير التهامي-
إرسال موضوع جديد   إرسال مساهمة في موضوعانتقل الى: