في رحاب الملحون المغاربي
اهلا وسهلا بكل الزوار يسعدنا تواجدكم معنا في منتدى رحاب الملحون المغاربي

في رحاب الملحون المغاربي


 
الرئيسيةالرئيسية  البوابةالبوابة  اليوميةاليومية  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
سحابة الكلمات الدلالية
المواضيع الأخيرة
»  من يتحمل مسؤولية ما يجري في أدب الملحون؟ ؟ ؟ /// الباحث الأكاديمي الأستاذ شيخ عبد الجلبل بدزي
الإثنين مايو 14, 2018 4:15 pm من طرف في رحاب الملحون المغاربي

»  قصيدة الورشان /// نظم الشيخ محمد بن علي ولد ارزين
الثلاثاء أبريل 24, 2018 1:11 am من طرف في رحاب الملحون المغاربي

»  قصيدة الورشان /// نظم الشيخ محمد بن علي ولد ارزين
الثلاثاء أبريل 24, 2018 1:10 am من طرف في رحاب الملحون المغاربي

»  انطوف بالنبي والكعبة /// الشيخ سيدي لخضر بن خلوف
السبت أبريل 07, 2018 10:01 pm من طرف في رحاب الملحون المغاربي

»  لكل ليلاه وليلاي ســلا سْلْوَانْ القلب والرّوح /// الشيخ توفيق أبرام
الجمعة أبريل 06, 2018 8:48 pm من طرف في رحاب الملحون المغاربي

»  قصيدة الرّْبِيعِيَة نظم الشيخ أحمد التركماني
الجمعة أبريل 06, 2018 8:41 pm من طرف في رحاب الملحون المغاربي

»  ارحم عضام امي كلة /// الشيخ سيدي لخضر بن خلوف
الجمعة أبريل 06, 2018 8:35 pm من طرف في رحاب الملحون المغاربي

»  يا ربي جابر العظامي /// الشيخ سيدي لخضر بن خلوف
الجمعة أبريل 06, 2018 8:23 pm من طرف في رحاب الملحون المغاربي

»  قصيدة  :  ألف ألفت الهوى  قصيدة للشيخ أبو عثمان سعيد بن عبد الله المنداسي رحمه الله  
الجمعة أبريل 06, 2018 3:55 pm من طرف في رحاب الملحون المغاربي

مايو 2018
الأحدالإثنينالثلاثاءالأربعاءالخميسالجمعةالسبت
  12345
6789101112
13141516171819
20212223242526
2728293031  
اليوميةاليومية

إرسال موضوع جديد   إرسال مساهمة في موضوع
شاطر | 
 

 سامحنا يا شعر ـــــ الشاعر الجيلالي

اذهب الى الأسفل 
كاتب الموضوعرسالة
عابر سبيل
زائر



مُساهمةموضوع: سامحنا يا شعر ـــــ الشاعر الجيلالي   الثلاثاء أغسطس 23, 2016 11:48 am

***************سامحنا ياشعر***************

مَاتْ الـشّعْرْ زْمَانْ عَـمْلُولُو قُـبَّـة**وْصَارْ الحَرْفْ اليُومْ فِي حَرْمُو يَتْهَانْ
كَانْ الشِّعْرْ زْمَانْ لَـصْحَابْ الرَّكْبَة**تَـتْرَوَّدْ كَـلْمَاتْ تَرْكَبْهَـا فُـرْسَـانْ
كَانْ الـشِّعْرْ زْمَانْ عَجْـبَة فِي وَهْـبَة**وَبْـيَاتُـو بَارُودْ تَـتْكَلَّمْ ا وْزَانْ
وْكَانْ الشِّعْـرْزْمَانْ كِي كَانَتْ هَـيْـبَة**وْكَانْ كْبيـرْ الشِّعْـرْ يَعْطِـيـوَهْ الـشَّانْ
كَـلْمَة حَقْ الـيُومْ صَلْـبُوهَا صَلْـبَة **بَرْدَتْ مَسْكِـينَة وْرَ قْدَتْ فِي لَـكْـفَانْ
يَـكْـذَبْ الـكَـذَّابْ يَـصْـدَقْ يَاعَجْبَـة**وَلِّي قَـالْ صْـوَابْ قَـالُو ذَا بُهْـتَـانْ
هَـبْلَتْ الدَّنْـيَـا وْقَـلْـبُـوهَا قَـلْبَـة **وَتْعَـلَّتْ عْـقُـولْ وَفْـسَـدْ المِيزَانْ
يُومْ غْـفَـلْ الـقَـطّ سَابَـتْ الحَلْبَة**رَانِي شَـفْتَ اسْـتَـفْحْـلَتْ بَعْـضْ الجَرْذَانْ
نْعَزِّيـوَكْ يَاشِعْـرْ فِي هَاذْ الضَرْبَة **كِي عَادَتْ تْصِـيحْ بَسْمَكْ الغَرْبَانْ
نْعَـزِّيـوَكْ يَاشِعْـرْ فِي هَاذْ الغُـرْبَة **ريتَكْ يَامَمْحُونْ لَبْسَاتَـكْ لَحْـزَانْ
انْقَضَّتْ عْلِـيـكْ كَـمْشَـة مَتْـكَـلْـبَـة **مَسْمُومَة فَـنْـيَابْهَـا سَـمّ الـثُعْـبَانْ
شَفْـتَـكْ يَامَغْـبُـونْ سَلْخَتَّـكْ كُرْبَة**صَـبْتَكْ فِي سُوقْ النْخَاسَة عَظْمَكْ بَانْ
وَانْتَ يَامَسْكِـينْ مَاصَـبْتْ الهَرْبَة**صَابَـرْعَالَّـعْـذَابْ تَـشْـكِي لَرَّحْـمَانْ
سَـامَحْنَـا يَاشِـعْـرْ نَاسَـكْ في نَكْبَة**حَاطَتْ بيـنَا نْـسُـورْ وَمْعَاهَا عُـقْبَـانْ
كَـثْرو فِي ذَا السُّوقْ وُكَّالْ الوَجْبَة**وْهَاجُو فِيهْ جْيَاعْ وَالعَبْدْ السَّخْفَانْ
مَافِـيهُـمْ أخْـلاَقْ مَاهُـمْ أُدَبَا** مَابِـيـهُـمْشْ الـشِّـعْــرْ بِـيـهُـمْ الـنَّسْـوَانْ
خَاضَتْ فَالـتَّحْكِيمْ فَرْقَـة فِي غَلْبَة**وَحْكَمْ بَحْكَامُو الثَّعْلَبْ وَالضَّرْبَانْ
هَاوْ الـفَحْـلْ الـيُّومْ بَخْـسُوهْ الرَّتْبَة**وَسْتَـفْحَلْ وُطَارْ سِـيدِي بُوفَـكْـرَانْ
رَزْمَة مَنْ لَضْـبَاعْ صَاحَتْ يَانَدْبَـة**وْحَتَّى طِـيـرْ الـبُومْ سَـمَّاوَهْ فَـنَّانْ
كَـفَّة الأرْذَالْ مَالَـتْ لَلْغَـلْـبَة **وَضْحَى الصَّـيْـدْ يْطِيحْ فِي عَرْشُو يَتْهَانْ
عَادْ الشِعْـرْ الـيُّـومْ يَافَاهَمْ لَعْـبَـة** مَنْ يَـنْهَضْ يْقُولْ دَنْ دَانِي دَنْ دَانْ
مَنْ يَـنْهَضْ يْقُولْ نَا عَنْدِي رَهْـبَة** وْمَنْ يَنْهَقْ يْقُولْ نَا عَنْدِي دِيوَانْ
لَـقْـصِيدَة يَـاخَاوْتِي تَـبْكِي نَحْبَة**لاَ صُـورَة لاَ قَـافْـيَة وَلاَ مِيــزَانْ
كَايَنْ شِي مَنْ نَاسْ خَاوِي يَاعَجْـبَة **صَـلَّحْ زُوجْ حْرُوفْ سَـمَّاوَهْ فْلاَنْ
وَتْصِيبُو مَنْفُـوخْ شَامَخْ الرَّقـبَـة**يَحْسَـبْ هَاذْ الخَلْـقْ كَمْشَـة مَنْ ذَبَّانْ
مَازَالْ المَخْـدُوعْ عَايَـشْ الـكَذْبَة**وَالكَذْبَة وَلاَّتْ فِي رَاسُـو عُنْوَانْ
حَـتَّى فِي لَوْزَانْ يَعْرَجْ فِي رَكْبَة**مَفْعُولاَتُنْ فَاعْلاَتُنْ ذَ لْـفَـشْلاَنْ
رْكَبْ حْمَارْ وطَاحْ يَا سِيـدِي غَلْبَة** وْسَـمَّاوَهْ الـفَحْلْ نَبْكِي بَالَّحْـفَـانْ
أسْمَعْـنِي نُوصِـيكْ وَفْـقَهْ الخُطْبَـة**وِاذا كُـنْتْ فْهِـيمْ صَحَّحْ الـبَـنْيَانْ
أَحْذَرْ الـطِـيـحَاتْ بَـدَّلْ الـعَـتْـبَة**وْبَالَكْ مَنْ لَغْـرُورْ تَـتْسَـمَّى شِـيطَانْ
وْلاَ تَحْـقَـرْ بَالْعِـينْ هَـاذْ الكَـتَّابَة**وَانْتَ يَامَـسْكِينْ شَعْـرَكْ وِينْ يْـبَـانْ
مْعَ فْحُولْ المَلْحُونْ وَشْيُـوخْ الوَدْبَة**اتْوَاضَعْ وُجِيبْ عَـقْـلَكْ يَاغَفْلاَنْ
أَحْنَـا يَامَهْــبُـولْ زَدْنَـا أُدَبَــا** فِي نَظْمْ المَـلْحُـونْ طَرْنَـا بْلاَ جَنْحَانْ
جَانَا هَاذْ الـشِعْرْ سَاجَدْ بَالرَّغْـبَة** تَعَّـبْنَا ذَ لْحَـرْفْ حَـتَّى ضْحَى سَكْرَانْ
الحَرْشَـة فِي غَزْلْنَا تَرْجَعْ رَطْبَة **وَالكَـلْمَة فِي يَـدّنَا قَـهْـرَا تَـلْـيَــانْ
وَنْقَـشْـنَا أَبْـيَاتْـنَا فُـوقْ الخَـشْـبَة** وَقْرَاهَا لَكْـفِـيـفْ جَحْـدَتْـهَا عَـمْـيَـانْ
وَحْنَا فِي لَـقْرِيـضْ حَرْبَـتْـنَا صَـلْبَة **وإذا بْغَـيتْ ابْـرَازْ أخْرُجْ لَلْمَـيْدَانْ
مَايَخْلَعْـنَا رِيحْ خَارَجْ مَنْ جَعْـبَة** وْمَانَا مَفْجُـوعِـيـنْ مَنْ كَـلْمَـة فْـلاَنْ
وْمَانَا مَخْطُـوفِـيـنْ مَانَا تَعْ طَـلْبَـة** مَانَا مَلْـهُـوفِيـنْ ذَا حَـالْ الـشَّـبْـعَـانْ
مَانَحْـتَاجْ سْفِـيهْ يَعْطِـينِي رُتْـبَـة**وَالعَـبْـدْ العَـكَّـاسْ نَـعْـطِيهْ البُرْهَانْ
مَنْ يَعْكَـسْ يْـصِـيبْ فِي وَجْهُـو حَرْبَة**وَلْلِي جَا بَالْـلِينْ نَعْـطِـيوَهْ الـشَّانْ
مَافِـينَـاشْ الحَـسْـدْ مَافِـينَـا غَـتْـبَـة ** وْمَانَا قَـوْمْ الـزُّورْ نَـشَّهْدُو بُـهْـتَـانْ
مَاخْدَعْـنَاشْ الجَارْ مَانْكُرْنَا صُحْـبَة**وْمَانَا قَـوْمْ الـبُهْتْ مَاصْحَبْنَا شِـيطَانْ
اتْـوَاضَعْ لله يَـرَّفْعَـكْ رُتْـبَـة** سِـيرْالـدنْيَا بَالْـمْهَـلْ مَاشِي عَجْلاَنْ
هَاذْ الـدَنْـيَـا حَالْهَـا هَـبْـطَة عَـقْـبَـة**غَـرَّارَة مَـتْـبَـدّلَة شَـفْـنَا بَعْـيَانْ
يَـكْـذَبْ الـكَـذَّابْ يَـصْـدَقْ يَاعَجْبَـة**وَلِّي قَـالْ صْـوَابْ قَـالُو ذَا بُهْـتَـانْ
أَحْنَـا يَامَهْــبُــولْ زَدْنَـا أُدَبَــا**وْ فِي نَظْمْ المَـلْحُـونْ طَرْنَـا بْلاَ جَنْحَانْ

الشاعر الجيلالي

الرجوع الى أعلى الصفحة اذهب الى الأسفل
 
سامحنا يا شعر ـــــ الشاعر الجيلالي
الرجوع الى أعلى الصفحة 
صفحة 1 من اصل 1

صلاحيات هذا المنتدى:تستطيع الرد على المواضيع في هذا المنتدى
في رحاب الملحون المغاربي :: قصائد متنوعة للشيوخ وشعراء الجزائر-
إرسال موضوع جديد   إرسال مساهمة في موضوعانتقل الى: