في رحاب الملحون المغاربي
اهلا وسهلا بكل الزوار يسعدنا تواجدكم معنا في منتدى رحاب الملحون المغاربي

في رحاب الملحون المغاربي


 
الرئيسيةالرئيسية  البوابةالبوابة  اليوميةاليومية  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
سحابة الكلمات الدلالية
المواضيع الأخيرة
»  من يتحمل مسؤولية ما يجري في أدب الملحون؟ ؟ ؟ /// الباحث الأكاديمي الأستاذ شيخ عبد الجلبل بدزي
الإثنين مايو 14, 2018 4:15 pm من طرف في رحاب الملحون المغاربي

»  قصيدة الورشان /// نظم الشيخ محمد بن علي ولد ارزين
الثلاثاء أبريل 24, 2018 1:11 am من طرف في رحاب الملحون المغاربي

»  قصيدة الورشان /// نظم الشيخ محمد بن علي ولد ارزين
الثلاثاء أبريل 24, 2018 1:10 am من طرف في رحاب الملحون المغاربي

»  انطوف بالنبي والكعبة /// الشيخ سيدي لخضر بن خلوف
السبت أبريل 07, 2018 10:01 pm من طرف في رحاب الملحون المغاربي

»  لكل ليلاه وليلاي ســلا سْلْوَانْ القلب والرّوح /// الشيخ توفيق أبرام
الجمعة أبريل 06, 2018 8:48 pm من طرف في رحاب الملحون المغاربي

»  قصيدة الرّْبِيعِيَة نظم الشيخ أحمد التركماني
الجمعة أبريل 06, 2018 8:41 pm من طرف في رحاب الملحون المغاربي

»  ارحم عضام امي كلة /// الشيخ سيدي لخضر بن خلوف
الجمعة أبريل 06, 2018 8:35 pm من طرف في رحاب الملحون المغاربي

»  يا ربي جابر العظامي /// الشيخ سيدي لخضر بن خلوف
الجمعة أبريل 06, 2018 8:23 pm من طرف في رحاب الملحون المغاربي

»  قصيدة  :  ألف ألفت الهوى  قصيدة للشيخ أبو عثمان سعيد بن عبد الله المنداسي رحمه الله  
الجمعة أبريل 06, 2018 3:55 pm من طرف في رحاب الملحون المغاربي

مايو 2018
الأحدالإثنينالثلاثاءالأربعاءالخميسالجمعةالسبت
  12345
6789101112
13141516171819
20212223242526
2728293031  
اليوميةاليومية

إرسال موضوع جديد   إرسال مساهمة في موضوع
شاطر | 
 

 ياهمي طاح غيم اسود =بقلمي=

اذهب الى الأسفل 
كاتب الموضوعرسالة
chawkidz



عدد المساهمات : 18
تاريخ التسجيل : 02/05/2016

مُساهمةموضوع: ياهمي طاح غيم اسود =بقلمي=   الخميس يوليو 21, 2016 6:37 pm


ياهمي طاح غيم اسود على لغواط********* درق عني مراسم  كانو يتراحو

فطت روحي شايشة من اتنباط *********** فرفرقلبي كاللي مطلوق اسراحو

حسيتو معصور جا من صدري فاط ********* كاللي راجع صاد يحنن لمراحو

حال اللي دهص عالشوك بلا سباط ********احليلو مخطوف عقلو و اصلاحو





ركب مزني دار سحاب بلا تحطاط ********** دك اركايز شور المرسم طاحو

يا وخذي اسواد كافو يا عياط *********** و جار عليا كي الجاهل بسلاحو

ماضنيت ابعاد الزايخة يعود اقناط ********** بحر هواها هاج بمواجو لاحو

يا حصراه! أيام فيها قلبي حاط ***********متهنيي كيفاش... طايربجناحو




و اليوم اشهيلي راه علينا ساط***********غربي لافح راه موذي بارياحو

صدري ضاق و حاس قلبي زرياط********و فاضو عينيا بدموع عني ساحو

غرامك يا زايخة ما عرفوه ارهاط******** ما حسوه اجيال ولا بسرارك باحو

كامي سرك في داخلي ماني لغاط********* حين اعشقتك واه اجوارح راحو




بعادك عني كل شي راه اسماط **********فكري و اعظايا من غيرك جاحو

هايم مسركب في المقاسم عياط********* وانلولب مجنون و امودر مفتاحو

امغيم سكران ولا وسط أحواط ********* امنشبني جني طيار واعر بارماحو

لالي حاكم افقيه يعرف لتسواط ********* داري بالعلوم الخافية يفك اسراحو




يا قلبي من وجعك راني قماط***********ماني طايق للصبر حنضل باملاحو

الله لالي طبيب ألجرحي خياط ***********ويصأسل مشعال من الكبدة لاحو

خيالك في داخلي عنو لهباط *********** وسوسني يا قاهرة و كثر تنباحو

ابعد وكرك بينا و بينو لخراط***********لالي كاسح فالنظر  طاير بجناحو




يرفدني و يطير بيا ماهو حاط ********** ايفاجي عن ضباب عيني يصحاحو

أنشف ريقي يازينة ارمقة شاط********** غير انشوفك تهدى لخواطر يرتاحو

يسعد شوفك ياريم اللهبا نطاط *********** و نتفاجى و يزول ذالغيم اوشاحو

يا شومة في حبها ماني فراط *********** واش فراكم في الحديث و تلماحو




وكل واحد يلهى بروحو يا سماط*********** ما شاورتوني ما قتلكم ارواحو

نمرمد روحي في ربيعك بالتخلاط ********* ونسعى حسن لياس بزهارو فاحو

مشمومك دقول راهب من لقباط ********* اخيالك و شوايرو ع العين تلاحو

قدك يا زايخة ما نقولش مطاط************وصدرك للملهوف يشهي تفاحو




يا ليعة و غرامك راه عني ساط********** واسجن قلبي جور واكثر تنواحو

وارماني في برور طايرها وطواط********** وين احنان  قلبك وين اسماحو؟

اقهرتيني كاللي عاقب ع السيراط ********** و سجانك قاسي عليا بسلاحو

دخلتيني في بحورك بلا تشراط*********** اقفلتي بابك و ارميتي مفتاحو




ما شفيتك فكي عليا ذالترباط *********** ارصدتيني في غرامك و اجماحو

عدت انهاذي وانهوم في لرباط*********** تايه كي المهبول وافكاري زاحو

نحس قلبي دقول مشدود بلقاط***********واضراري قيس التماسي يكساحو

اعفارك اصعيب فيه سبع اشواط********** ما طقتش رنديت مصعب تكواحو




جرحك يدمى ماشفى ديما نفاط ********** كي فصل الخريف يدمى بجراحو

ساهر باكي نبات ليلي لهاط ************ و محماح الكبدة ماحرش تنواحو

شيطانك امشوم شاطر فتنقاط *********** ما يرحم و يحن صاعب سماحو

حشمتك بالله انهي ذالبطاط************** ما قلتي مسكين كثرت اقراحو




قلبك قاسي كاللي رافد مسواط************ وما دار امزيات للخير أملاحو

يا محبوبي محبتك عادت تسماط***********جافيتي بلا سباب وسبابك طاحو

ما عندي عقار يرصد ذالعفاط ***********يبعدني يا خاوتي يقضي اصلاحو

بهدلني هواها ماعادش حاط ************شفى ذالعديان و انسيت افراحو




اردمني في القبر حط المقاط *********** نسمى مرحوم فاني واهلي ناحو

ما نسمح لك قد ماحاط و ماط************ وذنوبي راهم قاع عليك اتلاحو

نوكل عنك خالقي ماكادو مهباط*********** ما يبهدل موحال حاضي مداحو

نتمنى اتنور حالتي في لغواط*********** وتسعد ايام القوال وتزيد ارباحو


مول العهدة وين جميلك ياخراط********** و كمل خيرك بالنصايح يفلاحو
أمليلو ذوك القراير أولصماط*********** ابدعوات الخير في اجنانو فاحو

بجاه الأنبياء والرسل كامل تلقاط *********مع الصلاح و الأوليا واللي راحو

هذا حد روايتي هذا ما خاط************* شاهي زورة للنبي يا سراحو.
آميييييييييييييييييييييييييييييين.
تمت بقلمي chawkidz و شكرا.
الرجوع الى أعلى الصفحة اذهب الى الأسفل
 
ياهمي طاح غيم اسود =بقلمي=
الرجوع الى أعلى الصفحة 
صفحة 1 من اصل 1

صلاحيات هذا المنتدى:تستطيع الرد على المواضيع في هذا المنتدى
في رحاب الملحون المغاربي :: قصائد متنوعة للشيوخ وشعراء الجزائر-
إرسال موضوع جديد   إرسال مساهمة في موضوعانتقل الى: