مشاهير الشعر الملحون
اهلا وسهلا بكل الزوار يسعدنا تواجدكم معنا في منتدى مشاهير الشعر الملحون

مشاهير الشعر الملحون


 
الرئيسيةالرئيسية  البوابةالبوابة  اليوميةاليومية  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
سحابة الكلمات الدلالية
المواضيع الأخيرة
»  قصيدة : نادرة للشيخ محمد بن سليمان
الخميس يناير 04, 2018 4:09 pm من طرف بحر القلم

»   يا العاشق هذا وقت الزهو أو لمرام الشيخ دريس بن علي
السبت ديسمبر 30, 2017 11:16 pm من طرف بحر القلم

» قصيدة : مَحْجُوبَة // نظم محمد بن علي ولد اَرْزِينْ
الجمعة ديسمبر 29, 2017 8:40 pm من طرف بحر القلم

» قصيدة : الصرخة نظم الشيخ محمد بن عمر
الجمعة ديسمبر 29, 2017 5:32 pm من طرف بحر القلم

»  ★ما تدوم الحكمة "يا القلب أتفكر"أو "قصيدة القموس" : للشيخ محمد بن علي ولد الرزين
الجمعة ديسمبر 29, 2017 5:24 pm من طرف بحر القلم

»  الشعرالشعبى بين النقد و التصحيح و التوجيه و اعطاء الراى /// بقلم الباحث الشيخ خالد ياسين شهلال
الجمعة ديسمبر 29, 2017 4:33 pm من طرف بحر القلم

»  ولد الحرام _ الشاعر محمد بن سليمان
الجمعة ديسمبر 29, 2017 2:37 am من طرف بحر القلم

» حام على لوكار سافي / قصيدة للشاعر صادق قدور (عين الدفلى) 
الأربعاء ديسمبر 27, 2017 4:38 pm من طرف بحر القلم

»  عبقرية شعراء الملحون فى اللغة العربية // الباحث الأستاذ الشيخ خالد ياسين شهلال
الجمعة ديسمبر 15, 2017 1:33 pm من طرف بحر القلم

يناير 2018
الأحدالإثنينالثلاثاءالأربعاءالخميسالجمعةالسبت
 123456
78910111213
14151617181920
21222324252627
28293031   
اليوميةاليومية

إرسال موضوع جديد   إرسال مساهمة في موضوع
شاطر | 
 

 الشاعر البشير التهامي ــــــــــ يا عابر سبيل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بحر القلم

avatar

عدد المساهمات : 796
تاريخ التسجيل : 06/02/2016

مُساهمةموضوع: الشاعر البشير التهامي ــــــــــ يا عابر سبيل   الجمعة يوليو 08, 2016 10:03 am


من اروع ما كتب الشيخ و الاخ بشير التهامي
يا عابر سبيل


يَا غَافَلْ نُوصِيكْ بَالْقْلَمْ وَقْرَاطَسْ وَ دْوَايَا
خُوذْ كْلَامْ غْذَاكْ لَلْعْــقَـــــلْ
وَتْعَلَّمْ مْسَايْلْ النّْفَعْ فَارَقْ اللَّهَــــــــــــــــايَا
وَ تْوَاضَعْ لَجْمِيعْ مَنْ وْصَلْ
ألْعِلْمْ الْمَكْسُوبْ رَاوْدُه زِيدْ الرَّاسْ عْنَــــايَة
وَ الْعِلْمْ الْمَوْهُوبْ بَالْفْضَــلْ
عِلْمْ الله بْحَرْ وَاشْ مَا تَغْرَفْ لِيسْ كْفَايَــــــا
مَا تَعْلَمْ مْنْ الْقْلِيـلْ قَــــــــــلْ
ارْكَايَزْ الْعَصْرْ صُونْهُمْ بْحِكْمَة وَ قْـرَايَـــــــا
بِهَا تَتْرَقَّى وْ تَنْتْقَــــــــــــــلْ
بَالْحُرْمَة لَلشِّيخْ وَ الْوْقَرْ تَتْوَصَّلْ لَلْغَــــــايَــة
تَتْنَبَّهْ لَأمُورْ تَنْجْهَــــــــلْ
وَ تْصَنَّتْ لَلْقُولْ وَغْتْنَمْ مَ الْقُنْطَارْ وْقَــــــــــايَا
ألْحِكْمَة كَالصُّوفْ تَنْغْــــزَلْ
بَالدَّرْجَة السَّلُّومْ يَنْصْعَدْ وَ تْأَنِّي وَ دْرَايَـــــة
بَالْحَبَّة الْعَنْقُودْ يَنْتْكَـــــــــلْ
يَا عَابَرْ سَبِيلْ في الدُّنْيَا مَحْتَاجْ وْصَايَـــــــة
قَبْلْ لَا تَقْطَعْ بِيكْ السّْبُــــلْ


وَ تْزَوَّدْ بَالصَّبْرْ مَا صْعَبْ خَطْوَةْ الْبِدَايَــــــــة
مَنْ لَا نَهْجْ بْدَاهْ مَا وْصَـــلْ
لَوْ بَارَتْ لَحْيَالْ لَا تْهَمَّصْ كِي مُولْ عْصَايَا
سَالْ مْجَرَّبْ لُو بْغَى يْـــدُلْ
ألدُّنْيَا بِيبَانْ لَسّْبَلْ مَخْتَلْفِينْ مْنَايَــــــــــــــــا
وَ الْحِكْمَة مَفْتَاحْ لَلْقْفَــــــــــلْ
مَهْمَا طَالْ اللِّيلْ حَتْمْ تَشْرَقْ شَمْسْ الضُّوَايَـة
يْزُولْ شْتَا وَ رْبِيعْ يَسْتْهَلْ
ألْيُومْ سْوِيعَاتْ كُلْ سَاعَة دْقَايَقْ جَرَّايَـــــــــــة
صَارْ الْعَامْ يْدُورْ فِي عْجَلْ
مَا يَهْطَلْ الْمَطْرْ دُونْ غَيْمْ رْعُودْ الدُّوَايَـــــة
يَبْدَا الثَّلْجْ يْطِيحْ فْي الْجْبَلْ
تْوَاضَعْ لَلْمُتْعَالْ يَرْفْعَكْ بين الناس كالرايـــة
يَشْرَحْ صَدْرُه شَامْخْ الْفْضَلْ
الإسْتِغْفَارْمَحَّاقْ لَلذّْنُوبْ مَفْتَاحْ الْهِــــــــدَايَة
يَسْرِي لَلتُّوبَة بْلَا مْهَــــــــلْ
يا عابر سبيل في الدنيا محتاج وصايـــــــة
قبل لا تقطع بيك السبــــل


فِي طَاعَة الْوَالْدِينْ دَعْوَة وَاقِي نَجَّايَــــــــــة
عَاصِيهُمْ فِي الدَّرْكْ السّْفَلْ
مَنْ سَحْقُوهْ الْوَالْدِينْ مَا يَجْبَرْ بَالرَّقـَـــــــايَــا
وَ اللِّي شَافْ الْكُسْرْ يَنْذْهَـلْ
سْخَى وَ تْكَرَّمْ يا لْبِيبْ يَاكْ الرَّازَقْ مَـــــــوْلَايَا
وَ اجْتَنَبْ الشُّحْ وَ الْبْخُــــلْ
وَ نْفَقْ دُونْ اسْرَافْ حُقْ فِي الاقْتِصَادْ وْقَايَـة
مَنْ بَذَّرْ شِيطَانْ في الْمْثَـــلْ
تْمَعَّنْ فِي ذِكْرْ الْحْكِيمْ وَ تْدَبَّرْ فَحْوْ الْآيَــــة
بِيهْ تْنَالْ الْعَزْ وَالْفْضَـــــلْ
فَجَّرْ فِي حَفظْ الْكْرِيمْ وَ بْتَغِي الْفَضْلْ الْغَايَا
نُومْ الصُّبْحْ يْعَلّْمْ الْكْسَـــلْ
أكْسَبْ لَقْمْ حْلَالْ لَا تْسَاوَمْ فَضْلَة وَ بْقَايَا
أرْفَعْ رَأسَكْ مَا تْشُوفْ ذَلْ
اتْقَنْ شَغْلَكْ لَا تْزِيغْ حَرْفَة تَكْفِيكْ هْوَايَـــا
وَ الْعِبْرَة فِي سِيرْةْ النّْمَـــلْ
يا عابر سبيل في الدنيا محتاج وصايـــــــة
قبل لا تقطع بيك السبــــل


تْفَادَى صُحْبَةْ الْمْزَاحْ وَ ارْفَعْ لَلْجَدْ الرَّايَــة
وَ بْنِي جَبْحْ بْهِيجْ كَالنّْحَلْ
لَا تَشْبَهْ شَمْعَة تْذُوبْ وَسْطْ الْجَلْسَة ضَوَّايَــة
تَتَّحْرَقْ وَ النَّاسْ تَحْتْفَلْ
لَا تَنْغَرْ بَالشَّكْلْ كِيفْ طَاوَصْ مْتَحَّفْ غَايَـــا
فِي وَزْنْ الْمَضْمُونْ مَا ثْقَلْ
آوْ لَا مَظْهَرْ شَاشْ زَادْ قَمِيصْ رَدَّفْ عْبَايَــة
وَ الْبَاطَنْ مَفْرُوغْ كَالطّْبَــــلْ
لَا تَصْحَبْ غَبِي غْشِيمْ يَأْذِيكْ بْغِيـــــرْ دْرَايَة
يَتْعَزَّا من فَاقْدْ الْعْقَـــــــــــلْ
لاتفشي سرك تصبح بين لفـــــــواه روايا
حْدِيثَكْ بِينْ النَّاسْ يَنْتْقَـــــلْ
زُورْالْمُرْضَى يَا فْطِينْ وَ اسْعَى جَنْبْ السَّعَّايَا
و اطلب رب سقمه يـــــزل
شَيَّـعْ بْلَقْــدَامْ ذَالْجْنَــايَــــزْ مْعَ الْعَـــــــزَّايَا
لَا تَخْرُجْ مَ الصَّفْ تَنْعْــزَلْ
يا عابر سبيل في الدنيا محتاج وصايـــــــة
قبل لا تقطع بيك السبــــل


لَا تَجْهَرْ بَالصُّوتْ آوْ تَفْخَرْ وَ تْقُولْ أَنَــــــايَا
مَهْمَا طَارْ الطِّيرْ لَا نْـــــــــزَلْ
لَا تَنْبُـذْ نْصِيـحْ وَ سْتَقْبَـــلْ النَّقْـــدْ وْصَــايَا
وَ ابْنِي الشَّخْصِيَّة بَالثّْقُــــــلْ
وَ سْتُرْ عَيْبْ النَّاسْ كِيفْ سَتْرَكْ عَالَمْ لَخْفَــــايَا
يْصَرَّفْ عَنَّكْ رَبْنَا الْعْــــــلَلْ
في الْعَرْضْ اصْمُتْ لَا تْخُوضْ لَا تَعْوِي كَالْعُوَّايَا
مَعْــيُوبِينْ الْكُـلْ لَا خْجَــــلْ
لَا تَبْغُضْ حْبِيبْ لُو غْلَطْ وَ تْحَبْ لُه الإذَايَة
لَيَّنْ قَلْبَكْ كَانْ هُو جْفَــــــــــلْ
لَا تَامَنْ في الْـــوَادْ لَا تْجَـــاوَرْ مِيَّاهْ سْــرَايَا
قَادَرْ يَمْكُرْ بِيكْ لُو حْمَـــــــلْ
الْمَرْعُوبْ يْشَاهْدْ الْمْخَاطَرْ فِي كُلْ زْوَايَا
وَ الْمَلْسُوعْ يْخَافْ مَ الْحْبَلْ
قَوِّي لَعْـدُوكْ الطّْعَــــامْ كِمَا نَطْعَـــمْ اعْدَايَا
لَرُّكْبَة بَرَّاكْ وَ الرّْجَـــــــــلْ
يا عابر سبيل في الدنيا محتاج وصايـــــــة
قبل لا تقطع بيك السبــــل


أخْدَمْ في الدُّنْيَا وْ زِيدْ كَنُّه مَالَكْ نْـــــــــهْايَا
وْ لُخْرَا كَنُّه قَرّْبْ الْأْجَــــــلْ
ثَرْثَارْ كْثِيرْ الْكْلَامْ وَلُو في الرَّاسْ عْنَــــايَا
مَنْ طَـوَّلْ حْدِيثْ يَنْتْمَـــــلْ
بَسَّالْ خْفِيفْ الْقْدَامْ وَ لُو في الْوَجْهْ مْــرَايَا
يَصْمَاطْ عْلَى النَّاسْ يَنْخْـــذَلْ
ألطَّمَّاعْ يْطِيحْ فِي فْخِيخْ الْكَذَّابْ شْفَـــــــايَا
جَبْحْ الطَّلْمَصْ مَا وْعَى عْسَـلْ
مَا شُفْنَا عُقَّالْ في الزّْنُقْ بِينْ النَّاسْ عْــرَايَا
مَا يَفْعَلْهَا غِيرْ مَنْ هْبَـــــلْ
مَنْ لَا خَلَّى بَاشْ يَنْـذْكَــرْ صَـدَاقَــة جَـرَّيَــة
كِي يَتَّـرْحَـمْ حِينْ يَرْتْحَـــــلْ
مَنْ لَا جَالْ وْ ذَاقْ مَا خْرَجْ مَنْ زمْرَةْ نْوَايَـا
مَا خَفَّقْ جَنْحَانْ مَا اسْتْقَــــــلْ
مَا جَالَسْ شْيُوخْ مَا نْصَتْ فِي حَضْرَة دُوَّايَة
آوْ اسْتَفْتَى شِيخْ يَنْسْــــــــأَلْ
يا عابر سبيل في الدنيا محتاج وصايـــــــة
قبل لا تقطع بيك السبــــل


مَا قَرَّبْ بُسْتَانْ مَا قْطَفْ نْوَاوُرْ زَهَّـــــايَة
آوْ اسْتَنْشَقْ طِيبْ لَنْ صْطَـلْ
مَا جَرَّبْ بْحُورْ هَايْجَة بَمْهَاجُه بَكَّـايَــــــة
مَا صَارَعْ الْمُوتْ مَا ذْهَــــلْ
طَامَعْ في الْمَوْلَى الْكْرِيمْ هُوَّ يَغْفَرْ خْــــطَايَا
بْوَابُه مَحْلُولَة بْلَا قْفَــــــــــــلْ
وَاسِعْ الرَّحْمَة سْخِي سْرِيعْ الْمَعْطَا بلا نهايا
يَفْرَحْ بْعَبْدُه اِذَا سْــــــــــــــأَلْ
مُجِيبْ الدَّاعِي اِذَا دْعَا بْلَا وُسْطَا وَ وْصَايَا
حَاظَرْ نَاظَرْ لِيسْ يَنْشْغَـــــــــلْ
سْأَلْتَكْ يَا رَحْمَانْ بَالنّْبِي تَجْعَلْ لِي ضَوَّايَا
ما يطفى نوري لــــــــــلازل
فُوقْ الأَرْضْ وْ تَحْتْهَا ارْحَمْنِي نَسْعَدْ بَمْنَايَا
يُومْ شْدِيدْ الْحَرْ لَا مْظَـــــــــلْ
بَشِيرْ تْهَامِي نْشَطْ فِي طَرْزْ دْبَاجْ الْمَـــــــايَة
هْدِيتْ الْحُلَّة لَاهْلْ الْفْضَـــــلْ
هْدِيتْ سْلَامِي لَلشّْيَاخْ وَ الْأَدْبَا أهْلْ الْعْنَايَا
بَالْخِيلِي و الْيَاسْ زِيدْ فُــــــلْ


يا عابر سبيل في الدنيا محتاج وصايـــــــة
قبل لا تقطع بيك السبــــل




عدل سابقا من قبل Admin في الجمعة يوليو 08, 2016 10:07 am عدل 1 مرات
الرجوع الى أعلى الصفحة اذهب الى الأسفل
http://almalhon.forumaroc.net
بحر القلم

avatar

عدد المساهمات : 796
تاريخ التسجيل : 06/02/2016

مُساهمةموضوع: رد: الشاعر البشير التهامي ــــــــــ يا عابر سبيل   الجمعة يوليو 08, 2016 10:05 am

الرجوع الى أعلى الصفحة اذهب الى الأسفل
http://almalhon.forumaroc.net
 
الشاعر البشير التهامي ــــــــــ يا عابر سبيل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:تستطيع الرد على المواضيع في هذا المنتدى
مشاهير الشعر الملحون :: قصايد الشيخ عمر الزيعر :: قصائد الشاعر البشير التهامي-
إرسال موضوع جديد   إرسال مساهمة في موضوعانتقل الى: