في رحاب الملحون المغاربي
اهلا وسهلا بكل الزوار يسعدنا تواجدكم معنا في منتدى رحاب الملحون المغاربي

في رحاب الملحون المغاربي


 
الرئيسيةالرئيسية  البوابةالبوابة  اليوميةاليومية  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
سحابة الكلمات الدلالية
المواضيع الأخيرة
»  من يتحمل مسؤولية ما يجري في أدب الملحون؟ ؟ ؟ /// الباحث الأكاديمي الأستاذ شيخ عبد الجلبل بدزي
الإثنين مايو 14, 2018 4:15 pm من طرف في رحاب الملحون المغاربي

»  قصيدة الورشان /// نظم الشيخ محمد بن علي ولد ارزين
الثلاثاء أبريل 24, 2018 1:11 am من طرف في رحاب الملحون المغاربي

»  قصيدة الورشان /// نظم الشيخ محمد بن علي ولد ارزين
الثلاثاء أبريل 24, 2018 1:10 am من طرف في رحاب الملحون المغاربي

»  انطوف بالنبي والكعبة /// الشيخ سيدي لخضر بن خلوف
السبت أبريل 07, 2018 10:01 pm من طرف في رحاب الملحون المغاربي

»  لكل ليلاه وليلاي ســلا سْلْوَانْ القلب والرّوح /// الشيخ توفيق أبرام
الجمعة أبريل 06, 2018 8:48 pm من طرف في رحاب الملحون المغاربي

»  قصيدة الرّْبِيعِيَة نظم الشيخ أحمد التركماني
الجمعة أبريل 06, 2018 8:41 pm من طرف في رحاب الملحون المغاربي

»  ارحم عضام امي كلة /// الشيخ سيدي لخضر بن خلوف
الجمعة أبريل 06, 2018 8:35 pm من طرف في رحاب الملحون المغاربي

»  يا ربي جابر العظامي /// الشيخ سيدي لخضر بن خلوف
الجمعة أبريل 06, 2018 8:23 pm من طرف في رحاب الملحون المغاربي

»  قصيدة  :  ألف ألفت الهوى  قصيدة للشيخ أبو عثمان سعيد بن عبد الله المنداسي رحمه الله  
الجمعة أبريل 06, 2018 3:55 pm من طرف في رحاب الملحون المغاربي

يوليو 2018
الأحدالإثنينالثلاثاءالأربعاءالخميسالجمعةالسبت
1234567
891011121314
15161718192021
22232425262728
293031    
اليوميةاليومية

إرسال موضوع جديد   إرسال مساهمة في موضوع
شاطر | 
 

 توب يا عاصي للمولى ـــــــــــ الشاعر الفحل البشير التهامي

اذهب الى الأسفل 
كاتب الموضوعرسالة
في رحاب الملحون المغاربي
عضو نشيط
عضو نشيط
avatar

عدد المساهمات : 854
تاريخ التسجيل : 06/02/2016

مُساهمةموضوع: توب يا عاصي للمولى ـــــــــــ الشاعر الفحل البشير التهامي   الأربعاء يوليو 06, 2016 10:57 pm

تُـوبْ يَـا عَـاصِي لَلْمُـولَى وْ طِيـعْ بَرْكَـاكْ * لَا غْنَى يَغْفَرْ لَكْ جَلْ الرّْحِيمْ تَزْكَـا
كَـانْ تَتْضَـرَّعْ بَـالْقَلْـبْ الْخْشِيـعْ وَ بْكَــاكْ * تَسْتْلَــذْ الْعِبَـادَة بَعْـدْ كُـلْ حَـرْكَـة
فِـي سْجُودَكْ اسْـألْ الْعَفْـوْ عَتْـقْ وَ سْــلَاكْ * يُومْ تَزْفَـرْ نِيرَانُه مَاتْشُـوفْ هَلْكَــة
فِي صْلَاتَكْ تَسْعَدْ وَ الْعَمْرْ فِيه بَرْكَة
ألسّْعَــادَة تَغَّمْــرَكْ بَعْــدْ فَــرْحْ لَمْـــلَاكْ * في الْفْرَايَضْ وَ السُّنَّة وْ خَتْمْ كُلْ سَلْكَة
تَشْتْغَـلْ فِـي ذَكْـرْ الْغَـانِـي الْعْـزِيـزْ فَكَّــاكْ * مَنْ تْمَسَّكْ بْحَبْلُه مَا يْشُوفْ ضَنْكَة
فِـي رْضَــاهْ الْعِــزَّة يَقِيــنْ دُونْ تَشْكَــاكْ * كَانْ حَفْضَكْ رَبِي مَا تَنْبْلَى بْشُوكَة
فِـي دْعَـاكْ اسْـألْ الْبَـارِي بْطِيـبْ لَـذْكَــارْ * مَا تْصودَكْ لَفْحَاتْ بْجَاهْ بُو الْقَاسَمْ
يُـومْ يَنْكَـبْ فِي سَاقَـرْ مَنْ عْصَى بْتَقْصَـارْ * مَا دْخَلْ مْجَالَسْ مَرَّة وْ سَالْ عَالَـمْ
قُــومْ صَلِّــي يَـا رَاسِـي لَلْغْنِــي الْجَبَّـــــارْ * فِي الْوْسَعْ قَبْلْ الرَّحْلَة قُومْ يَا النَّايَمْ
تُوبْ وَ انْهَضْ دَاْر الدُّنْيَا مْنَامْ حَارَمْ

سَعْــدْ سَعْــدُه مَـنْ سَبَّــحْ لَلْغْنِـي الْوَاحَـــدْ * فِي غْسِيقْ الدِّيجُـور سْـرَاهْ لَلْعْبَـادَة
الْقْمَــرْ وْ لَبْــرَاجْ عْلِيــكْ كُــلْ شَاهَـــدْ * وَ الْمْلَاكْ إيمِينَا وَ شْمَالْ فِي سْعَادَة
كُــلْ بُقْعَــة عَنْــدْ الْمَــرْوَاحْ آوْ عَــايَـــدْ * وَ الْفْرَاشْ الدَّافِي وَ حْنَانْةْ الْوْسَـادَة
مْحِي السِّيَّاتْ اكْتَبْ حَسْنَاتْ بَالزّْيَادَة
تْخَاطْبُــه بَكْـلَامُــة مُحْيِي الْـوْرَا الْمَـاجَـــدْ * تْحَـاوْرُه بَـالْفَـاتِحَـة غَـايْـةْ الْـوْرَادَة
ألْكْـرِيــمْ اسْــألُــه مُجِيــبْ يَـا السَّــاجَـــدْ * ألـدّْعَــا كَثَّــرْ حَقّــَقْ مُــخْ الْعْبَــادَة
فِـي صْـلَاتَــكْ قَـــرَّةْ الْعَيْــنْ يَـا الــزَّهَــــدْ * فِـي مْعَيَّـةْ وَارَثْ الْــوَارْثِيـنْ غَـادَا
لَا تْــوَخَّــرْ وَقْتَــكْ بْـلَا سْبَـــابْ تَقْــــدَارْ * كِي تْفَسَّـرْ تَأْخِيرَكْ سَاعْةْ الزّْحَايَـمْ
ألْجْـوَارَحْ تَشْهَــدْ عْلِيــكْ كُــلْ مَــا صَـــارْ * يُـومْ يُسْـألْ الْعَبْـدْ وْ لَا يْطِيـقْ كَاتَـمْ
قُــومْ صَلِّــي يَـا رَاسِـي لَلْغْنِــي الْجَبَّـــــارْ * فِي الْوْسَعْ قَبْلْ الرَّحْلَة قُومْ يَا النَّايَمْ
تُوبْ وَ انْهَضْ دَاْر الدُّنْيَا مْنَامْ حَارَمْ

بَـالشّْهَــادَة ثَبَّتْنَـا عَنْـدْ خَـرْجْـةْ الـــرُّوحْ * بْسِيعْةْ الرَّحْمَة تَغْمَادْ الرّْحِيمْ رَيَّاحْ
ألْفْـرَاقْ مْحَتَّـمْ وَ الْقَلْـبْ لِيـسْ مَشْــرُوحْ * بْلَا وْدَاعْ انْفَارَقْ أهْلِي صْيَاحْ وَ نْوَاحْ
غَسّْلُــونِي كَشْفُــوا سَـرِّي الْيُـومْ مَسْمُــوحْ * كَفّْنُونِي فِي ثَوبْ بْلَا كْمَامْ وَ سْمَاحْ
ألْقْبَرْ مَثْوَايَا تُرْبَة وْ أرْضْ صَفَّاحْ

حِيـنْ يُـوفَى أجْـلِي تَاتِـي مْـلَاكْ مَعْجُــولْ * مَ الرّْجَلْ تْطَلَّعْ الرُّوحْ غَرْضْ تَرْحِيلْ

شُقْتْ تَخْـرُجْ كَالشَّعْـرَة مَ الْعْجِينْ مَسْلُـولْ * حِينْ يَعْزَمْ مْفَرَّقْ الْحْبَابْ عَزْرِيلْ
لِيــسْ يَبْقَــى مَنِّــي إلَّا الْجَسْـــدْ مَشْلُــــولْ * كَفّْنُـونِي بَعْدْ التَّغْسَالْ دُونْ تَعْطِيـلْ
يَـا مْحَـايَـنْ قَلْبِـي مَـاذَا نْــوَاحْ في الـــدَّارْ * بَعْـدْ مَا لَبْسِـي ذَالْحُلَّــة بْلَا كْمَـايَــمْ
بْصَـوْتْ دَافِـي رَدُّوا طُلْبَـا الْبُـرْدَة جْهَــارْ * يَا هْلِي لُو لَا كَفْنِي سَاتْـرْ الْحْشَايَـمْ
بْـلَا سْجُـودْ صْـلَاةْ بْدُعَـا فْ كُـلْ تَكْبَـارْ * شَيّْعُـوا لِيَّـا الْجَنَـازَة الله يَـرْحَــــــمْ
فِي قْبَــرْ يْــدَلُّــونِـي مَـنْ تْــرَابْ وَ غْبَــارْ * يَرْدْمُونِي وِ يْخَلُّونِي وْحِيدْ في الْهَمْ
حِيـنْ يَـاتِـي رُومَـانْ انَـا ذْلِيــلْ مَحْتَـــارْ * مْصَايْبِي فِي قُرْطَاسْ كْتَبْتْ كِيفْ نَكْتَمْ
يَـا الـوَارَثْ مَـا لِـي سِـوَاكْ حِصْـنْ نَعَّــارْ * كُـونْ بِيَّـا يُومْ الحَـزَّاتْ وَ النّْقَـايَــمْ
بِيـكْ نَثْبَتْ عَنْـدْ السُّــؤَالْ يَا الْجَبَّـــــــــــارْ * فَكْ عُقْدَةْ لَسْنِي يَاتِي الْجْوَابْ سَالَـمْ
دْخِيـلْ بَمْلَاكْ الْعَرْشْ اغْفَرْ ذْنُوبْ مَدْرَارْ * بَالْقْلَمْ وَ الْكُرْسِي وَالْلُّوحْ جُودْ رَاحَمْ
بْجَـاهْ جَبْـرِيلْ وْ مِيكَـائِيـلْ لُــوحْ لَضْـــرَارْ * بْجَاهْ عَزْرِيلْ وْإيسْرَافِيلْ طُبْ كَاظَمْ
بْجَـاهْ عَبـْدَكْ ابْـرَهِيــمْ الْعْتِيـقْ مَـنْ النَّـــارْ * دْخِيلْ بَاسْمَاعِيلْ فْدِيتُه بْذَبْـحْ فَاخَـمْ
دْخِيـلْ لَـكْ بَـالْهَـادِي طَـهَ سْـرَاجْ لَبْصَــارْ * بُـورْقَيَّـة فِي بَطْـنْ الْـوَالْـدَة تْكَلَّــمْ
دْخِيـلْ لَـكْ بَـالصَّــدِّيـقْ مْـعَ الْحَــقْ عُمَــرْ * وَ الْحْيِي عَثْمَانْ وْ عَلِي الْهْمَامْ قَايَمْ
دْخِيـلْ لَـكْ بَالـزُّهْـرَة الْبَتُـولْ زُوجْ حِيـدَارْ * دْخِيلْ لَكْ بَالْحُسْنِينْ الشَّارْقِينْ وَاسَمْ
بْجَـاهْ مَـنْ شَـاهَـدْ غَـزْوَةْ بَـدْرْ كُـلْ لَبْـرَارْ * وَ اهْلْ أُحُـدْ مْعَ الْبَقِيـعْ جُودْ وَ حْلمْ
دْخِيـلْ بَالصُّحَـابَـة مُهَـاجْـرِيـنْ وَ انْصَــارْ * وْ مَنْ تْبَعْهُمْ اصْحَابْ الرُّشْدْ وَ النّْعَايَمْ
دْخِيـلْ لَـكْ بَالْكَعْبَـة وَ الـزَّايْـرٍيـنْ لَحْــرَارْ * بْجَاهْ عَـرَافَـة وُقَّافُـو وْ كُلْ صَايَـمْ
بْجَـاهْ طُـلَّابْ الْعِلْـمْ السَّـالْكِيـنْ لَسْــوَارْ * كُلْ رَاسَخْ وَاهْلْ الْفَتْوَاتْ وَالْحْكَايَمْ
قَـالْ بَشِيــــرْ التهــامـي هْمِيــمْ مَحْتَـــــارْ * يَا الْحَفِيظْ اسْتُـرْ لَعْقَابْ وَ الْخْوَاتَــمْ
قُــومْ صَلِّــي يَـا رَاسِـي لَلْغْنِــي الْجَبَّـــــارْ * فِي الْوْسَعْ قَبْلْ الرَّحْلَة قُومْ يَا النَّايَمْ
تُوبْ وَ انْهَضْ دَاْر الدُّنْيَا مْنَامْ حَارَمْ

الرجوع الى أعلى الصفحة اذهب الى الأسفل
http://almalhon.forumaroc.net
 
توب يا عاصي للمولى ـــــــــــ الشاعر الفحل البشير التهامي
الرجوع الى أعلى الصفحة 
صفحة 1 من اصل 1

صلاحيات هذا المنتدى:تستطيع الرد على المواضيع في هذا المنتدى
في رحاب الملحون المغاربي :: قصايد الشيخ عمر الزيعر :: قصائد الشاعر البشير التهامي-
إرسال موضوع جديد   إرسال مساهمة في موضوعانتقل الى: