مشاهير الشعر الملحون
اهلا وسهلا بكل الزوار يسعدنا تواجدكم معنا في منتدى مشاهير الشعر الملحون

مشاهير الشعر الملحون


 
الرئيسيةالرئيسية  البوابةالبوابة  اليوميةاليومية  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
سحابة الكلمات الدلالية
المواضيع الأخيرة
» هل شعراء الملحون اميون  كما قال البعض و ما علاقة.الملحون باللغة العربية الفصحى/ الباحث الشيخ خالد ياسين شهلال
أمس في 3:43 pm من طرف بحر القلم

» سفينة نوح و التيتانيك و الشعر الشعبى .الشيخ خالد ياسين شهلال
الجمعة نوفمبر 17, 2017 8:40 pm من طرف بحر القلم

»  مزين وصولك سيدي قدور العلمي
الثلاثاء نوفمبر 07, 2017 10:09 am من طرف بحر القلم

»  إلقاء الضوءعلى قصيدة الدار سيدي قدور العلمي _ الاستاذ الباحث عبد الجليل بدزي
الإثنين نوفمبر 06, 2017 6:57 pm من طرف بحر القلم

»  برضاك يا غايت الرضى نظم الشاعر عبد الهادي
الأحد نوفمبر 05, 2017 3:05 pm من طرف بحر القلم

»  يا الغري في الدنيا الشيخ محمد بن سليمان
الجمعة نوفمبر 03, 2017 2:35 pm من طرف بحر القلم

»  قصيدة : الجافي للشيخ محمد بن سليمان
الأربعاء نوفمبر 01, 2017 10:46 am من طرف بحر القلم

»  قصيدة عن المسيلة وبالاخص الحضنة كلمات : لعزازي سمير
الثلاثاء أكتوبر 31, 2017 9:07 pm من طرف بحر القلم

»  قصيدة الساقي __ نظم الشيخ الجيلالي امتيرد
الإثنين أكتوبر 30, 2017 10:38 pm من طرف بحر القلم

نوفمبر 2017
الأحدالإثنينالثلاثاءالأربعاءالخميسالجمعةالسبت
   1234
567891011
12131415161718
19202122232425
2627282930  
اليوميةاليومية

شاطر | 
 

 قصيدة خناتة من نظم الشيخ الحبابى الفيلالى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بحر القلم

avatar

عدد المساهمات : 783
تاريخ التسجيل : 06/02/2016

مُساهمةموضوع: قصيدة خناتة من نظم الشيخ الحبابى الفيلالى   الجمعة أبريل 08, 2016 3:34 pm

قصيدة خناتة من نظم الشيخ الحبابى الفيلالى .....نسخة صحيحة ببيت السلام صحيح ....و لا يوجد نسخة اخرى ......................

نظم الحبابي مكسور الجناح

القسم الأول

ايَا سِيدي كًـُولو لايـْمِي يَعـْدَرْ مَنْ دَاتـُو فـْناتْ
بَهْوَى الـْقـَاصْرَا من شاعْ اهْواهَا
تايْها عَنِّي بَبْهاهَا
السَّالـْبَا عَقـْلْ الـِّي رَاهَا
وَ لا نـْهاهَا قـُولْ اعْداهَا
ما رْضاهَا بهْواها شاطـْنَا ادْهانِي
و انْطـَقْ قـَلـْبي بْحُبّْها بَعـْدَنْ كـَانْ صْمُوتْ
مَا صَبتْ اغاثـَا وُ لا وْجَدتْ دْوَا لـَجْراحِي الثـَّابْتـَا
مَنْ طـَعـْنـَتْ لـَشـْفارْ رَحْتْ واتِي
وَ اسْبابِي يُومْ التـْقـَتْ نـْعوتِي بَنـْعوتْ

قـُولـُو لـَخـْناتا يَا تـْرى فـَالعاهَدْ و القـُولْ تـَابْتـَا
صَالـَتْ بَاجْمَالـْها حْياتِي
رَاحَتْ رُوحِي الصَّايْلا عـَلْ البْدَرْ بَنـْعُوتْ


القسم الثاني

يا سيدي و اجفاكْ طالْ و اعْضايا منْ داها اشْكاتْ
رفْقي بْحالتِي و اصْغى لشْكايَا
يا تـْرى تـَرْوى من مايَا
كـْما ارْوى قلبي و احْشايَا
فـْنا عْضَايا شاعْ هْوايَا
و طالْ دايَا و اللـِّى نـَهْواهْ ما اهْوانِي
عيني بهواه هالا َّ بالدَّمْعْ المَبْتوتْ
ناري حتـَّاتا فلـْعْضا و اجْوارَحْ ذاتِي امَّرْتَا
هل لي بيها للرسام تاتي
منْ لا لِي عَنهَا رْجُوعْ و لا صَبْتْ نـْفـُوتْ

قـُولـُو لـَخـْناتا يَا تـْرى فـَالعاهَدْ و القـُولْ تـَابْتـَا
صَالـَتْ بَاجْمَالـْها حْياتِي
رَاحَتْ رُوحِي الصَّايْلا عـَلْ البْدَرْ بَنـْعُوتْ


القسم الثالث

يا سيدي يَكـْفـَى منْ الجّْفـَا عَطـْفِي يَا مَنْ لا ارْتـَاتْ
ارْضَى لمَنْ اسْكـَرْ بِيكْ بْلا َ خـَمْرَا
جُودْ لـَلـْعَاشـَقْ بَالنـَّضْرَا
يَا تـْرَى يَا جَديْ العَفـْرَا
كيفْ يَبْرَى ضَرّْ الهَجْرَا بْغِيرْ صَبْرَا
لوْ كـَانْ سْقـَاكْ مَا اسْقـَانِي
تـَسْكـَرْ بَهْوايْ كِيفْ بَهْواكْ أنـَا مَسْهُوتْ
ما كِفِي فـَتـَى و لا َ اصْبَرْ صَبْرِي فـَالعَشـَّاقْ منْ اعْتـَى
و أنـَا صَابَرْ مَنْ صْمِيمْ ذاتِي
منْ جْمَالـَكْ يَا البـَاهْيَا بَعْدَنْ كـُنـَا اخُوتْ

قـُولـُو لـَخـْناتا يَا تـْرى فـَالعاهَدْ و القـُولْ تـَابْتـَا
صَالـَتْ بَاجْمَالـْها حْياتِي
رَاحَتْ رُوحِي الصَّايْلا عـَلْ البْدَرْ بَنـْعُوتْ


القسم الرابع

يا سيدي يَا عَرشْ بَانْ يَا رَايَا فـَالهـَوْشـَا انـْبَاتْ
يا قـَامْتْ القـْنـَا يَا مَبْرُومْ التـِّيتْ
بالدْرَارْ مْنـَبَّتْ تـَنـْبِيتْ
سَالـْفـَكْ لـُونْ القـَارْ حْكِيتْ
زُوجْ ضـَفـْرَاتْ الـَى لـَتـْوَاتْ

ِِِِْْْْكـَنْ حِيَاتْ تـْعابنْ زُوجْ لادْغـَانِي

يَهْواوْ عْلى اقـْدامْهَا فـَاقـُو كـُلّْ اتـْيُوتْ
لـَبْدُورْ بْهاتـَا منْ اشـْعَاعْ جْبِينْ الرِّيمْ لـَمْخـَنـّْتـَا
وُ الغـُرَّا الزَّايْدا اشـْتـَاتِي
لـَحْوَاجَبْ كاقـْوَاسْ تـَرْمِي بَسْهَامْ المُوتْ.

قـُولـُو لـَخـْناتا يَا تـْرى فـَالعاهَدْ و القـُولْ تـَابْتـَا
صَالـَتْ بَاجْمَالـْها حْياتِي
رَاحَتْ رُوحِي الصَّايْلا عـَلْ البْدَرْ بَنـْعُوتْ


القسم الخامس

يا سيدي و عيُونـْها السُّودْ لـَلـْهْوَى قـَلـْبِي ادْعَاتْ
و اسْبابْ ليعْتي شـُوفتْ مُقـْلـَتـْهَا
شـْفـَارْها ظـَلـُّو وجْنتـْهَا
خـَالـْها نـَارْ فِي جَنـَّتـْهَا
كيفْ نـَنـْجَا بينْ الفـَلـْجَا وُ عينْ دَعْجَا
و اجْفانـَكْ غـَالـْبا اجْفـَاني
تبهضْ بالنـّْجالْ كالضْراغـَمْ
لوْ كـَانْ لـْيوثْ
لـَعْقـُولْ اشـْتـَاتـَا
عَنْ اطـْفـَاحْ الوَجْنـَاتْ وْرُودْ نـْابَتـَا
خالْ الخـَوْضا اشقيقْ يَاتي
اصْبَغْ منْ وَرْدْ خـَدْهَا و اصْفـَى مَنْ يـَاقـُوتْ.

قـُولـُو لـَخـْناتا يَا تـْرى فـَالعاهَدْ و القـُولْ تـَابْتـَا
صَالـَتْ بَاجْمَالـْها حْياتِي
رَاحَتْ رُوحِي الصَّايْلا عـَلْ البْدَرْ بَنـْعُوتْ


القسم السادس

يا سيدي شفـَّا مْختـّْما و الشامَا سَقـْمِي اشـْفـَاتْ
والخـَالْ خـَلـْخـَلْ السَّاكـَنْ منْ لـَبِّي

حَارَسْ الوَجْنـَا منْ قـُرْبِي

انفْ بَازِي رَاعِي غـُلـْبِي

زادْ تـَعْبِي مَرْشـَفْ عَذْبِي
اشداهْ يَسْبِي والرِّيقْ ارْحِيقْ فِي ابْدانِي

لـَتـْغـَارْ ادْرَارْ نـَابْتـَا فـَالمَرْجَانْ نـْبُوتْ
دامِي وَلا َتَا جِيدْها ليهْ اجْيادْ الرَّا الكـَافـْتـَا

جِيدْ الشـَّارْدْ الخـْنـَاتِي
غـَايَرْ منْ جِيدْهَا الفـَايقْ جِيدُو بَنـْعُوتْ

قـُولـُو لـَخـْناتا يَا تـْرى فـَالعاهَدْ و القـُولْ تـَابْتـَا
صَالـَتْ بَاجْمَالـْها حْياتِي
رَاحَتْ رُوحِي الصَّايْلا عـَلْ البْدَرْ بَنـْعُوتْ


القسم السابع

يا سيدي غبا على الترابِي قـَلبْ الهَوِي اسْباتْ

واضْعوضْها بْرُوقْ فالسَّلـْبا تكًـْدي
نـْهودْها طـَلـُّو جَهْدْ ايدِي

والصّْدرْ مَرْمَرْ يا وعْدِي

زَدْتْ دَهْشـَا والعَقـْلْ مْشـَى
وُميرْ الحْشـَا منْ عَشـْقْ امْ التـّْيُوتْ فانِي

عـَتـْنـُونْ عليهْ نِيلـَتْ غَمَّزْت لبهوتْ
مَهْمَا تـَتـَّاتـَى يْشـَدّْهَا مَحْزَمْ ليهْ ارْفـَاغْ تـَابْتـَا
و السِّيقـَانْ السَّايْقـَا احْيَاتِي
حَنـَّا فاقـْدامْ وُ لـَخـْلاخـَلْ سْحَرْ هَارُوتْ


صالتْ بَثـْلاتـَا

خدْهَا وَ لـْحَظْهَا وَ القـَدّْ فـَايْتا
مَنْ فاتْ و اللـِّي عادْ يَاتِي
منْ لايَهوى جْمالـْها عَشـْقـُو غِير بْهوتْ

هلّْ لِي بَثـْلاتـَا
وْصَالها و رْضَاها و أيام كافـْتا
تعمر بسرورها أوْقـَاتي
تصونْ أيامْ ازْهُونا و الحاسدْ مَكـْبُوتْ

و اندَمْ لـَثـْلاتـَا
بُعدْها و اجْفاها و احْسُود عابْثا
حَفـُّو بيها خوفـْهم تـَاتي
لكن باوصَالـْها نـْرَدّْ السَّلـْفْ للـَّرْتـُوتْ

و نـْقيمْ ثلاتا
بْسَاطـْنا و ابْسَطـْنا و امْدامْنا شـْتـَا
عَطـْفـَتْ لِي لِيَّامْ حَزْتْ شـَاِتي
فـَزْتْ بْغـَلـْبِي وُ رَاحْ من حَاسَدْنَا مَكـْبُوتْ

ثلاتا فـَثلاتا
الكاسْ و الصهْبا و ثـْرِيَّا مْثـَلـّْتَا
و أنا و أنتِ و الزهو مْواتِي
قومْ نـْكـَبُّو اكوابْنا قبل يْفوتْ الفوتْ

و اسكر بثلاتا
شْرابْ و طـْرابْ و وَدّْ جديدْ باحْتا
الـَى طـَحْتْ انتَِ دْوا حْياتِي
و احْيِينِي لا نْموتْ بين النـَّهْدْ وُ لـَتـْيوتْ

و اسخى بثلاتا
ريقكْ و خـَدَّكْ و الشـَّفْ لمْلـَوْتـَا
طابْ شـْرابِي عاودِي امْباتِي
مَحْلا فالدَّاجْ كالزَّاجْ بْرِيقـَكْ مَلـْتـُوتْ

و انـْهَضْ لثلاتا
شوفْ حَرْجَاتْ ارْياضِي كِيفْ نـَابْتـَا
شوفْ اجْداوَلْ سَلـْسْبيلْ تـَاتِي
شوفْ رْقيصْ لطـْيارْ تـَنـْشدْ بْنـَغمْتْ الصوتْ

و ازْهَا بثلاتا
ازْها وغَنِّي وَ سْقِي السَّاقِي الـَى اوْتـَى
شوفْ السَّاقِي للرّْحيقْ رَاتِي
شوفْ الصَّهْبَا الدَّافـْقـَا شوفْ الخـَمرْ نـْعوتْ

و اخـْتـْمْ بثلاتا
زيدْهُومْ ثلاتا صَارُو مْسَاتـَّا
لا زايدْ فاوْصَفـْنـَا يَاتِي
خِلّْ وُ خِلا َّ وُ رَاحْ وُ اكـْوَابْ وُ عودْ و صُوتْ

و اسلامي لثلاتا
على الأشرافْ و طلبا و اشياخْ فايتا
بالنـَّدْ و اعبيرْ في بْياتِي
لحْبَابِي صَاحبْ الصبرْ فيلالي هَتـْهُوتْ

شوفْ البَحاتا
باحْتـَا كيفْ تْضلْ تـْباتْ بَاحْتـَا
لا واشِي يومْ لـُوصَالْ يَاتِي
يكفل واشِي اوصَالـْنا بَعْدَنْ ارْجعْنا اخوتْ

.
لومْ البَهَّاتا
جَا الوصفْ اهْوايا فـَهْواكْ بَاهْتا
كيف اوصفت بهاك في بياتي
و يْشيعْ اهْوايْ كيفْ شاعْ اهْواكْ المَنـْعُوتْ

مبَاتا فـَامباتا
كلْ يومْ نـْقِيمُو فرْجاتْ حادْثـَا
كـُبْ الرَّاحْ تـْريعْ بيهْ ذاتِي
اسْكرْ و ازْهَى و ربّْنا يَعْفـُو قبَلْ المُوتْ

خَنـْثـَا و اخـْنـَاتـَا

مْخـَنـّْثـَا كيفْ ايامْ السَّعْدْ بَاخـْتـَا
يا بدَرْ انـْبَا في اسْماهْ راِتي
يا قامْتْ رَمْحْ يا هْلالْ العيدْ المَنـْعُوتْ

منْ لا َ َيتـَّاتى

بالهْوى ما َيتـَّاتى لـُو اعْتـَى وُ اوْتـَى
ما باتْ بْشـُوقْ الرّْيامْ وَاتِي
ما راعَى فالدّْجَى امَاتْ النـَّهدْ وُ لـَتـْيُوتْ

ما رْكـَبْ اسْراتـَا

و لا حْضـَرْ فامْبَاتـَا رُوحُو مْخـَبِتـَا
ما شاهدْ خـَوْضـَاتْ حينْ تـَاتِي
ما شافْ ارْيامْ ما نـْضَرْ على لـَقـْدامْ تـْيُوتْ

الرجوع الى أعلى الصفحة اذهب الى الأسفل
http://almalhon.forumaroc.net
 
قصيدة خناتة من نظم الشيخ الحبابى الفيلالى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مشاهير الشعر الملحون :: قصائد الشعر الملحون بالمغرب-
انتقل الى: